Scheme for Legal Services to Disaster Victims through legal Services Authorities
Khuarel chhiatna leh mihring thiltihte avangin chhiatna hi thleng fo thin a ni a. Chung chhiatna lo thlengah chuan a tuartute hian kawng hrang hrangin tanpui an mamawh thin. Chutiang hun a lo thlen a, a tuartuten tanpuina an dawn theih nana hmalakna tur a tul anga puibawm a, tanpuina hna thawh hi Legal Services Authority te mawhphurhna peng pakhat a ni a.
He Scheme hi National Legal Services Authority chuan India ram chhunga State leh UT zawng zawnga hman turin a duang a. Amaherawh chu, Mizoram-ah chuan he scheme ang tak hian kalpui a la ni lo va, department dangte nen pawh thawhhona mumal tak neih a la ni lo.
He scheme-in a tum tlangpuite chu :
1. District tinah chhiatna lo thleng thulha tanpui hna thawk turin Core Group din tur a ni a. Core group-ah hian Judicial Officer te, Dan hremi (naupang lam leh hmeichhia pawh telin) te, Medical Doctor leh NGOs te ruat tur a ni. Secretary, DLSA chuan Register fel taka vawngin memberte biak pawh theihna number a chhinchhiah thlap tur a ni.
2. State leh District Authority te chuan Disaster Management Plan, State Disaster Management Authority in emaw State Disaster Management Authority in emaw-in an duan chu an kawl tur a ni. Chu plan ang chuan a theih dan kawng kawngin department dangte an puibawm thin tur a ni.
3. Chhiatna tawktute hnenah heng ei leh in, insawn chhuah leh chenna tur buatsaih kawngah a thawktute tanpui a, a tul anga endik a, thil fello a awm chuan rang takin sawrkarah hriattir nghal tur a ni.
4. Chhiatna lo thleng avangin chhungkua inthenna a thleng fo thin. Chutiang mi an awm chuan a tul angin an inhmuhkhawm leh theih nan tanpui hna thawh.
5. Tlang hri leng te pawh awm thei a nih avangin chung laka an him theihna tura hmalak.
6. Hmeichhia leh naupangte hi awm nem zawk an ni a, an thil hlute venhimsak a ngai khawp mai. Chhiatna avanga an bungrua bo leh venhim ngai an awm chuan rang taka Police lam hriattir.
7. An chen lailawkna hmunah ei tur, tui in tur leh damdawi an mamawh ang tawk an hmu em tih zir chian a, a tul anga a titheitu department-te hrilh hriat.
8. Sawrkar in chhiatna lo thleng avanga zangnadawmna pek an intiam thin a. Chung intiamna chu a kimin an hmu em tih te, theihnghilh emaw, tihpuitlin sak vat loh emaw te a awm em tih an enfiah ang a; chutiang a awm chuan rang tak leh kim taka an hmuh theih nan hma a lakpui tur a ni.
9. An ran vulh te, bungrua/thawmhnaw te him tak leh kim taka an hmuh leh theih nan a buaipuitute a tul anga puihbawm.
10. Chhiatna lo thleng chuan taksa leh rilru-ah nasa taka nghawng a neih theih avangin, relief camp-a awmte hnenah legal awareness campaign neih. Awareness Campaign hi mipui ko khawma tih a ni lo va, an chenna hmunah tlawha, an harsatnate sawipui a, a tul anga hma laksak tur a ni.
11. Chhiatna lo thleng avangin thil pawimawh heng- ration cards, id, certificates hrang hrang, passport, driving licence leh thil dangte tihbo a awm thin. Chung an thil bote chu a duplicate an hmuh theih nana hma lak.
12. Vanduaithlak takin naupangten an nu leh pate an chan fo thin. Chutianga fahrahten harsatna an tawh chuan an dinhmun siam that lehna atan hma lak a, rilru lam doctorte pawh rawnsak a, nun bul an tan that leh nan a tul anga hma lak.
13. Chhiatna tawkten an dinhmun an siam that leh theih nan bul tanna tur an mamawh thin. Bank te, Social Welfare Department leh a kaihhnawih departmentte dawrsak a, an bul tanna tur ngaihtuahsak.
14. Kum upa leh pianphunga rualbanlote zir chian a, dan anga tanpuina an hmuh theih nan hma lak.
15. Chhiatna tawkten Insurance an claim chuan Insurance Company te sawihopui a, inremna an hmuh theih nana tanpui.
16. Chhiatna tawkte hian rilru lamah harsatna an tawh fo avangin chutiang lama mi thiam bikte nen relief camp tlawh a, an harsatna sawipui a, rilru lama harsatna an tawhte sutkiansak.
17. DLSA chuan Core Group hnen atangin report an la khawm ang a, chu report chu SLSA-ah thawn leh thin tur a ni.
SLSA-in report a dawnte chu NALSA, District Management Authority leh Patron-in-Chief hnenah thawn leh thin tur a ni.
He scheme-in a sawi anga hmalakna buaithlak deuh a awm chuan, SLSA emaw DLSA emaw Core Group emaw-in Executive Chairman, SLSA hnenah thurawn lak thin tur a ni.
