NALSA (Legal Services to the Victims of Drugs Abuse and 

Eradication of Drug Menace) Scheme, 2015

 

 

  1. Background
    1. Thalai, naupang leh tleirawlte zingah damdawi hmansualna hian ram chhung hriselna leh sum leh pai chungchangah nasa takin nghawng a nei a. Kan state leh khawtlang tan hemi tih reh hi hna pawimawh hmasa ber a ni.

 

  1. Heng damdawiin naupang pawi sawi lo, tleirawl, thalai leh hmeichhia te chunga pawi a khawih nasatzia hi thuruk tlang hriat si a ni. He thil rapthlak tak tih chingtute hian atlangpuiin kum 9-10 vel an nih lai atangin an ching tan a ni. Zirchianna in a tarlan danin India ramah mi vaibelchhe 7 vel damdawia inhnamhnawih awmin, chung zingah 17% te chuan a ngawl an vei a ni.

 

  1. Hemi kawnga bul tumtu lian ber chu a chinna hmunte hi a ni. A tlangpuiin, heng ching thinte hian a nghawng awm thei an hriat loh vang a ni. Hetiang thil tha lo ching thintute veng tur hian Panchayati Raj Institution leh khawtlang hruaitute an pawimawh hle.

 

  1. State chhunga agency tam takte leh NGO ten he damdawi hmansualna tirem tura an thawh laiin an zingah thawhhona tha a awm lova. Mi mal thahnemngaihna ringawt chuan engmah a ang thei lo a ni. A tawng tawhte atanga hriat danin damdawi hmang sualte hian engtia beihlet tur nge tih leh engtia ngai awh leh theih nge tih an hre lo.

 

  1. Legal Services Institution ten he thil hlauhawm tak khuahkhirh tur hian an thawk ve thei a ni tih hria in, 13th All India Meet of State Legal Services Authorities Ranchi (Jharkhand)-a neih chuan resolution pass-in damdawi ngawlvei leh hmangsual thinte chungchang zir chian chu Legal Services Institution zawng zawngten hna pui berah neih rawh se, a ti a ni.

 

  1. Existing Legal Provisions

2.1    He damdawi hmansualna hlauhawm tak do tur hian March 1961 atang khan United Nations-in International level leh Single Convention on Narcotic Drug-ah bul lo tan tawhin, a hnuah kum 1972 March thla khan he Convention-a resolution hi siam that leh a ni. Kum 1971 khan The United Nations Convention on Psychotrophic Subtances neih niin,  chu mi hnu ah United Nations Convention against Illicit Trafficking in Narcotic Drugs & Psychotropic Substances, 1988 neih a ni leh a. Heng Convention zawng zawngah hian India pawh hming ziaktu a ni. 

 

2.2    India Constitution Article 47-ah chuan damdawi atana hman a nih loh chuan zu leh taksa tana hlauhawm damdawi reng reng chu State-in a khap tur a ni a ti.

 

2.3    Ram pumah damdawi hmansualna a hluar avangin heng dan chipchiar tak, (i) The Drugs and Cosmetics Act, 1940 leh (ii) The Narcotic Drugs and Psychotropic Substances Act, 1985 te hi,  narcotic drugs leh psychotropic substances te khap, control, dan siam, chin, siam chhuah, zawrh, leh in chungchang ah siam a lo tul ta a. Dan khauh tak awm mahse a huho sumdawnna atana dawmdawi hmanna chi hrang hrang hi a pung zel a ni.

 

2.4    Hetiang hi a nih avangin, NALSA chuan Legal Services Institutions te hian damdawi lak luh, hralh chhuah, tih tlem, ngawlveite ngheitir leh chhawmdawl kawngah thawh tur pawimawh tak an nei tih an hria a. Hemi atan pawh hian Committee din a ni. He Scheme hi Regional Conference on the ‘Drug Menace in India - Overview, Challenge and Solutions’ tih hmanga Manali, Himachal Pradesh-a neiha Committee-in a ngaihtuahna atanga duan chhuah a ni.

 

 

3              Name of the Scheme

Scheme hming atan chuan “NALSA (Legal Services to the Victims of Drug Abuse and Eradication of Menace) Scheme, 2015” tih a ni ang.

 

 

4             Definitions

He scheme-in a tarlan loh thil pawimawh dangte chu-

  1. “Act” awmzia chu Legal Sevices Authorities Act, 1987 (39 of 1987)
  2. “NDPS Act” awmzia chu The Narcotic Drugs and Psychotropic Aubstances Act, 1985 (Act no.61 of 1985)
  3. “Legal Service” awmzia chu Legal Services Authorities Act 1987-a section 2(c) hnuaia hrilhfiah ang.
  4. Legal Services Clinics awmzia chu National Legal Services Authority (Legal Services Clinics) Regulations 2011, regulation 2 hnuaia clinic sawifiah nen thuhmun a ni.
  5. Legal Services Institution awmzia chu State Legal Service Authority, Supreme Court Legal Services Committee, High Court Legal Services Committee, District Legal Services Authority emaw Taluk Legal Service Committee.
  6. Panel Lawyer awmzia chu National Legal Services Authority (free and competent legal services) Regulations 2010, regulation 8 hnuaia panel lawyer thlan chhuahte.
  7. Para Legal Volunteer awmzia chu NALSA Scheme for Para Legal Volunteers (Revised) and Module for the Orientation – Induction – Refresher Courses for PLV Training hnuaia Para Legal Volunteer hrilhfiah leh legal services institution ten training an pekte.
  8. Thumal hman amaherawhchu he scheme-a hrilhfiah anih loh chuan Legal Services Authorities Act, 1987 (39 of 1987) emaw National Legal Services Authorities rules, 1995 emaw National Legal Services Authority (Free and Competent Legal Services) Regulations, 2010 te nen awmzia inang an ni tihna a ni.

 

 

5          The Objectives of the Scheme

5.1    Mi, a tam thei ang ber hnenah Narcotic Drugs leh Psychotropic Substance chungchangah dan, policy hrang hrang, Programme leh Scheme chungchanga awareness neih mai bakah school leh college zirlai naupangte, khawlai naupangte, khawpuia mirethei hote, damdawi hmanga inchiu thinte, chhungkua, jail tangte, inhlawhfa thinte, damdawi zuarte, nawhchizuarte leh mipui leh adangte hnenah damdawi hmansual vanga nghawng awm thei zawng zawng chungchangah awareness buatsaih.

 

5.2    Hnim hnah chin phal chingtute hnenah, chutiang lo ei leh in chuan taksa, nunna leh hriselna ah a chhe zawnga nghawng a neih theihzia zirtirna pek.

 

5.3    Chhungkua, zirtirtu leh zirlai naupang zingah ruihtheih thil hmansual that lohzia zirtirna atan awareness theh darh.

 

5.4    Stakeholder hrang hrang, Dan hremi, Prosecution, Bar member, Police, Forensic Laboratories, De-addiction Centres, Insiamthatna hmun, Rehabilitation Centre, School, College leh University administration, Children home, Old-age Home, Nari Niketans, School for special Children, Ministerial Staff of Courts, leh a dangte hnenah damdawi hmansual that loh zia leh tirem tura hmalak dan tur chungchangah zirtirna neih.

 

5.5    Damdawi hmangsual thinte zawn chhuah, enkawlna leh an sim hnua ngai awhtir lehna atana hmanraw awm sate tuai hnum.

 

5.6    Khawtlang hruaitute nena thawk hovin, ruihhlo tih rem dan tur leh invenna kawnga hma la hovin, a siam chhuahna atana hmanraw hman thinte tih chhiat hna thawh ho.

 

5.7    Drug De-Addiction Centre leh Rehabilitation Centre te nen thawk hovin ruihhlo ti thinte enkawlna atana mamawh leh enkawl mekte rights zahsak kawnga hmalak ho.

 

5.8    Stakeholder hang hrang, field lama thawkte thawhpui

 

5.9    Damdawia sumdawnna tuartute leh hmang sual thinte tanpuina pek.

 

Plan of Action

6          Establishment of Special Units

6.1    The State Legal Services Authority (SLSA) in he scheme hman tan anih atangin thla khat chhungin State chhunga Taluka/Mandal/Sub-Division zawng zawngah Special Unit a din ang a, chutah chuan Judicial Officer (pakhat emaw a aia tam emaw), ukil la upa lo (pakhat emaw a aia tam emaw) Chairman, DLSA-in a thlan chhuah, Medical Officer (pakhat emaw a aia tam emaw) changtu Chief Medical Officer-in a ruat, Revenue/Police/Forest officer (pakhat emaw a aia tam emaw) Chief Secretary thlan chhuah social worker, Para Legal Volunteer leh NGO lam aiawh damdawi hmangsualte enkawlna lama lo thawk tawhte an tel tur a ni. Special Unit hi Chairman, Taluka/Mandal/Sub Divisional Legal Services Committee (TLSC) kaihhruaina hnuaiah a awm ang a, Chairman, DLSA-in a pumpuiin a enkawl ang.

 

6.2    He Special Unit-ah hian member sawm aia tam an awm tur a ni lo. Secretary, DLSA chu District tan Nodal Officer a ni ang, Secretary, Taluk Legal Services Committee chu Secretary a ni thung ang.

 

6.3    Special Unit din a nih hnuah memberte tan DLSA-in NALSA module angin training a buatsaih ang.

 

6.4    Special Unit ten Chairman, DLSA kal tlangin SLSA-ah an hmalakna report an thawn ang a, anin a ngaihdante a lo ziak tel ang.

 

6.5    Special Unit din anih atanga ni 15 chhungin anmahni huam chhunga damdawi hmansual chungchanga an hmalak dan tur Micro Level Programme an buatsaih tur a ni.

 

6.6    Hetiang programme reng reng chu Chairman, DLSA-in Member Secretary, SLSA hnenah a thawn ang a, anin Executive Chairman, SLSA hnenah a remtihna la turin a thawn leh ang a, tichuan, Chairman, SLSA chuan a remtihna chu ni 15 chhungin a rawn pe chhuak leh ang.

 

6.7    He scheme-in tih tura a ruat chauh ni lo SLSA-in a ruatsak ang ang pawh Special Unit te hian an thawk ang.

 

 

7          Creation of Database

            SLSA ten Policy, Schemes, Regulation, Directive, Prevention, Rules, Declaration leh Report chungchang awm tawh sa hmangin Database siamin an website-ah an upload ang a, chutiang bawkin NALSA-ah pawh an pe ve ang.

 

 

8          Implementation of various schemes

(a)    Mipui zinga policy, scheme leh programme chungchang tihdarhna atan SLSA ten kawng engkimah hma an la ang. A bik takin, damdawi hmangsualte, an chhungte leh De-addiction/ Rehabilitaion lama thawktute hnenah.

 

(b)    Special Unit ten hetiang chungchang hi an office ah an tar ang a, SLSA phalna la-in booklet/pamphlet/placard leh a dangte an chhut tir bawk ang.

 

9          Destruction of Illicit cultivation

            SLSA ten State sawrkar thawhpuiin ganja leh opium leh ruihna atana hman chi hnim hnah reng reng china hmun tih chhiat kawngah hma an la ho ang. SLSA ten sawrkar hnenah MNREGA Scheme hnuaiah heng thil tih chhiat hi phal turin a ngen ang. Hei hi ruihna atana hman thin chinte tih chhiat kawngah leh mipui zinga campaign nan tha tak a ni.

 

10       Participation of Local Bodies/Panchayati Raj Institutions at grassroot level

            Heng institution-te tel vena chu a hnuai ami ang hian a ni ang:-

  1. Special Unit ten charas/ganja leh a dangte chinna hmun zawng chhuak turin Panchayati Raj Institution an thawhpui ang. Special Unit-te report buatsaih chu Chairman, DLSA kaltlangin SLSA hnenah thawn a ni ang a, chumi hnuah Executive Chairman, SLSA phalnain thuneitute nen hma lak a ni ang.

 

  1. Special Unit ten damdawi ngawl vei leh inchiu thinte zawng chhuaka enkawl leh siamthatna atan Panchayati Raj Institution-te puihna a la ang.

 

  1. Damdawi hman sual vanga nghawng tha lo chungchang thingtlang khuaa awareness theh darh kawngah Special Unit ten Panchayati Raj Institution-te puihna a la ang.

 

  1. A theih chuan campaign neih kawngah Special Unit ten hmeichhe pawl emaw, thalai pawl emaw, self help group emaw te an thawhpui ang.

 

11       Awareness

11.1 Awareness in Schools/Colleges

         School leh College-a damdawi hman sual nghawng chungchanga awareness leh sensitization programme neih kawngah Special Unit ten school-a Legal Literacy Club leh College-a Legal Services Clinic-te an thawhpui ang.

  1. Awareness leh sensitization programme-te hi chi hrang hranga kalpui theih a ni; hetiangin,
  2. School-ah/school hrang hrang inkawpin “run against drug abuse” tih banner-ah milem dah tela awareness campaign tan.
  3. Awareness camp
  4. Regular taka Parents-Teachers meeting neih.
  5. Mass Literacy Campaign kaltlangin.
  6. Symposium, Seminar, Debate leh thildang kaltlangin.
  7. Drugs that loh zia thupui a hmang a quiz leh essay writing competition buatsaih.
  8. Short play; leh midang hneh thei tur buatsaih 
  9. Thildang midang hneh thei tur engpawh.

 

  1. School/college-a zirtirtute chu awareness/sensitization programme-ah an tel ve thin tur a ni.

 

  1. Awareness/sensitization programme-ah hian NALSA/SLSA-te pamphlet/booklet buatsaih thin tur a ni.

 

  1. Heng pamphlet/booklet-te hi awareness campaign/camp zawng zawngah sem a ni ang a, front office leh legal services clinic ah te pawh pek a ni ang.

 

  1. School leh college curriculum-ah damdawi hmansual chungchang zeh tel - School leh college curriculum-a zeh tel a nih theihna atan Education Board leh University te nena hma lak.

 

11.2    Awareness to the families of the victims of Drug Abuse

            Chhungkua a keh chhiatin emaw, nu leh pa emaw, chhungkuaa tu ber emawin damdawi ruihtheih an tih thin chuan naupangte hi a tuartu ber an ni tlangpui thin.

  1. Special Unit ten chhungkaw zinga damdawi hmangsual thinte leh an nu emaw pa emaw ruihtheih thil ti thinte zawng chhuakin, an fate nen inzawmna tha nei turin hma an la ang. An thil tum ber tur chu, an nu leh paten an fate bia a, an thil tih thin te zawt a, an zirtirtute hnenah an fate chungchang leh an awmdan sawipuia, damdawi ngawl vei hi tih dam theih a ni tih hrilh hi a ni.

 

  1. Ngawl veite hi dam lote ang bawk a hriat chian a endawng an nih loh nana awareness siama enkawl vat tur a ni. Inthliarhranna leh a nghawng chhuah rilru lama harsatna chungchang te, hrisel lohna eng pawh hriat chhuah a nih thin angin ngawlveina pawh hriat chhuah a nih veleh enkawl a nih theih nan awareness neih ni se.

 

11.3    Awareness amongst Street Children

a)      Damdawi hmang sual zinga a tam ber chu khawlai naupangte an ni. Heng mite hi ngaihsak loh, chhungte tuithlar leh endawngte an ni. Chuvangin, heng khawlai naupangte tana thawk thin NGO-te nen an venhimna tur ngaihtuah hi a pawimawh hle.

 

b)     Special Unit ten khawlaia ngawl vei tamna hmun leh urban slum naupangte zawng chhuakin De-addiction centre-ah emaw Rehabilitation Centre-ah emaw an dinhmun azirin an awmna tur an ruahman sak ang.

 

11.4    Awareness amongst the victims of drug abuse

            Special Unit ten heng damdawi ngawlveite an zawn chhuah hnuah Psychologist leh doctor-te nen tang kawpin sensitization programme an neihpui thin ang. He programme ah hian sport, Cinema, Literature leh thil danga lo hming tha tawhte telh bawk tur a ni.

 

11.5    Awareness Programmes for sex workers

            Special Unit ten hnawhchizuarte awm khawmna (red-light) hmunah awareness programme buatsaihin nawhchizuar thinte leh an fate hnenah damdawi hman sual in a nghawng tha lote an hrilh ang.

 

11.6    Awareness Programmes in Jails

            Legal Services Institutions ten a khat tawkin jail tangte leh hnathawktute zingah narcotic drugs nghawng tha lo chungchangah awareness leh sensitization programme an nei thin ang.

 

 

11.7    Awareness amongst General Public

a)      Lo neitu, opium emaw thlai dang hetiang lam chi chin phal sakte emaw awmna hmunah Special Unit ten ND&PS Act chungchangah Legal Literacy Camp a khat tawka buatsaihin ruih theih thil, dan phal loh zawrh leh ei leh in that lohna leh a nghawng chungchang zirtirna an theh darh tur a ni.

 

b)     Dan phal loh damdawi eng chi pawh zawrh, chin, phurh etc chungchang a ruka police hriattir thintute hi danin a veng tlat a, an nihna pawh thupsak an nih thu hi mipuite hriattir tur a ni.

 

c)      Lirthei khalhtu leh taxi khalhtute zingah Legal Literacy Camp nei thinin damdawi that lohzia leh a nghawng awm thei chungchang zirtirna pek thin tur a ni.

 

d)     Legal Services Institutions-a Special Unit ten Bus-stand, Railway Station, sawrkar leh private school, University, Panchayat Bhawan, Court, District Collectorates, SDM office leh hmun dangahte ND&PS Act leh damdawi hman sual nghawng tha lo chungchang signboard, hoarding leh thil dangte  an tar tur a ni.

 

e)      Special Unit ten thingtlang, Fairs leh Festival-ahte damdawi hman sual nghawng chungchangah awareness ten an buatsaih ang.

 

f)      Organisation/association hrang hrangte telhin Special Unit ten hmun lun lai, bazar hmun leh vengchhungah awareness camp an buatsaih ang.

 

g)      Postal Authorities, Courier Agencies leh Financial Institution-te hnenah SLSA-anmahni kaltlanga damdawi thawn kual thin anih thu an hnuaia thawkte lo hriattir turin SLSA-in a ngen ang.

 

11.8    Awareness amongst Chemists and Peddlers

a)      Special Unit ten damdawi zuartute hnenah damdawi hman sual nghawng tha lo chungchangah zirtirna an pe ang.

 

b)     Naupang leh thalai, damdawi lei zing thinte ngaihven a, chung damdawite chu hralh tawh lo turin damdawi zuartute training pek tur a ni.

 

c)      A ruka damdawi zuar thinte zawng chhuakin a that lohzia zirtirna pek bawk tur a ni.

 

d)     Police pawh invenna lama tel turin leh dawrkai rinhlelhte chu ngaihven turin hrilh tur a ni.

 

 

11.9    Awareness through Electronic and Print Media.

            Damdawi nghawng tha lo leh a do kawnga hmalaknate Radio leh TV lamah SLSA-in a zing thei ang bera puantir tur a ni. He programme ah hian Judicial Officer te, Lawyer te, Psychologist te, Psychiatrist te, Police Officer te leh mi dangte thawhpui tur a ni.

 

 

12       Co-ordination with De-addiction/Rehabilitation Centres

a)      Special Unit ten an huam chhunga Rehabilitation leh De-addiction centre awmte chu thla khatah vawikhat tal an tlawh thin tur a ni. Taluk huamchhunga rehabilitation leh de-addiction centre awmte chu chhinchhiahin an chanchin a khat tawkin an ziak thin ang. An chhinchhiahte chu SLSA hnenah, an chanchin leh a neitu chanchin kimchang an thawn ang.

b)     Rehabilitation/de-addiction hmuna an thil neihte a tha tawk em tih Special Unit ten an endik ang.

c)      Counselor, psychologist leh doctor ten heng hmun an tlawhna  chu Special Unit ten endikin an record ang.

d)     Rehabiliation centre-a damdawi ngawlvei enkawltute an indaih tawk em tih chian nan Special Unit ten a thawktute an enfiah thin ang.

e)      Special Unit ten a thawktu, bungrua emaw hmanrua emaw indaih lova an ngaih chu DLSA hnenah thlenin, anni’n thuneitute hnenah heng harsatna suking turin hma an la ang.

f)      Special Unit ten heng ruihhlo ngai enkawl mekte lakah engemaw thil felhlel awma an hriat chuan Chairman, TLSC hnenah an thlen ang a, ani`n heng mite thu ngaihtuah zel dan turah dan lama puihna a lo pe ang.

g)      Special Unit ten rehabilitation centre te chanchin lakhawmin DLSA hnenah thla tin report a thehlut ang a, chung report-ah chuan enkawl laite chanchin kimchang, eng thil nge an tihpui thin leh Psychologist leh Doctor-te tlawh chungchang leh siamthatna kawnga hmalakna te a tel tur a ni.

h)     Special Unit ten ruihhlo ngaite tan a khat tawkin awareness an buatsaih ang a, heng awareness-ah hian ruihhlo ngaite`n khawtlanga an inhman theihna turin khawtlang a pawl hrang hrangte tanrualpui tur a ni.

 

13.      Training/Refresher Courses for Stakeholders

            SLSA ten anmahniin emaw State Judicial Academic te nen tangkawpin emaw Judicial Officer te, Prosecutor te, BAR member te, police officer te leh Court-a Ministerial staff-te tan sensitization programme te, refresher course training te, special training te leh conference an buatsaih thin ang.

 

14.      Observance of International Day against Drug Abuse on 26th June

            Legal Services Institution ten Special Unit te puihnain kum tin June, ni 26-ah “International Day against Drug Abuse and Illicit Trafficking” tih thupui hmangin awareness an buatsaih tur a ni.

 

15.      Association of Reformed Drug Addicts.

            Special Unit ten an huamchhunga damdawi ngawi vel dam tawhte zawng chhuakin awareness camp-ah an thil tawn tawhte mi dang hriata sawi turin an thwhpui ang.

 

16.      Anti Drug Clubs

a)      Special Unit ten School leh College thuneitute hnenah naupangten midang hnena damdawi that lohzia leh a nghawng chungchang an hrilh hriat theih nan Anti Drug Club din turin an ngen ang.   

 

b)     Special Unit ten school/college-ah Anti Drug Club kal tlangin sensitization programme an buatsaih ang. Sawi tawh angin Legal Literacy Club leh legal services clinic-te chu hemi atan hian hman tur a ni.

 

17.      Involvement of Para Legal Volunteers

            Para-Legal Volunteers-te chu Scheme hrang hrang chungchangah training pe-in, anni hian hmun hrang hrang tlawhin Dam dawi leh ruih theih thil dang chungchangah mipui zirtirna an nei thin ang.

 

18.      Recognition of Good Work

            Kum tin financial year tawpah SLSA chuan an huam chhunga hnathawk tha ber Special Unit memberte hnathawh that chu a chawimawi ang.