NALSA (Child Friendly Services to Children and their Protection) Scheme, 2015

 

  1.       Introduction and Background

“Hnam tin zingah naupangte hi hliam awlsam tak an ni tih hi phat rual a ni lo. Khawvel mipui tam zawng hmun thuma thena hmun khat an awh a, \ha taka enkawl an nih loh chuan, an \hanlen zelnaah ram tana mi \angkai tak ni thei tura siamna kawngah a hlawhchham theih a ni..…” Supreme Court-a Salil bali Vs.: Union of India (UOI) and Anr, 2013VII AD (S.C.) in a tarlan chu, tuna \hangtharte hi an ngaihdan sawi chhuah tirin an rilru, taksa, nundan leh thlarau lam thlenga hriat sak hi a \ul a ni.  

2.         International Commitments

2.1       20th December, 1959 kuma Right of the Children tih thlan anih khan,  General Assembly of the United Nations chuan naupangte hnam, vun rawng, mipa leh hmeichhia, sakhuana emaw pianna thliarloin an taksa, rilru, thlarau leh khawtlangah hrisel tak leh zalen taka nun an hman theihna turin thupui sawm a thlang chhuak a.

2.2       The United Nations standard minimum rules for the administration of Juvenile Justice (“The Beijing Rules,” 1985) chuan naupangte (Juvenile) tan rorel anih hun chhungin an aiawh turin Legal Advisor an nei em tih leh ram pumah dan awm angin dan lama puihna an hmu em tih chian turin a thu a pe.

2.3       The United Nations Convention on the Rights of the Child (UNCRC) hi kum 1989-a UN General Assembly-a thlan chhuah niin huam zau tak leh, khawvel pum huapa naupangte dikna chanvo atana remtihna a ni. UNCRC din chhan ber chu naupang ten dikna chanvo an neih theih nan ruahmanna siam a ni a. He dikna chanvo hi chi li-ah then hran niin, hengte hian a hnuaia tarlan khawtlang, ram rorel dan, khawsakna kawng, in chhawrna leh mahni hnam lama zalenna a huam:

(a)       Survival rights: Naupangte dam khawchhuahna leh inenkawlna atana mamawhte a huam a, chungte chu chaw tha, hulhliap, khawsakna tha tawk , leh damdawia in enkawlna.

(b)       Development rights: Lehkhazir, infiam, awm awl, mahni hnam thil tih, thil chinchang hriat, leh thil ngaihtuah lama zalenna, chhia leh tha hriatna leh sakhaw lam a huam.

(c)       Protection rights: Naupangte chu khuaikhem, ngaihthah leh chhawrluih anni em tih finfiah tur a ni.  Chu chuan naupang raltlante a bik taka enkawl, naupang thil sual tite rorelna kawnga humhim, hnathawh kawnga venhim, naupang khuaikhem leh eng kawngah pawh chhawiluih annihna atanga venhim leh siamthat a huam.

(d)       Participation rights: Naupangte chu an ngaihdan sawi a, anmahni nuna harsatna tawhte sawi chhuak a, an duh ang pawl zawm a, puipunnaah pawh zalen takin an kal thei tur a ni. An theihnate`n hma a sawn zel chuan an puitlin huna mi tangkai tak ni thei turin khawtlangah pawh tel tam tir tur a ni. 

3.         Constitutional Assurances

3.1       Kan constitution duangtu ten an hriat chian em em mai chu ram hmasawnna chu naupangte tihhmasawn hi a ni tih a ni a; chuvangin naupangte hi tihduhdahna laka venhim a pawimawh a ni. Indian Constitution-in ram, khua leh tui an nihna angin naupangte dikna chanvo hi lungrualpuiin an tan pawh a bik takin dan a siam a.  Kum 1950-ah Constitution hi puanzar niin, UN Convention-a Rights of the Child \henkhat chu Fundamental Rights leh Directive Principles of State Policy-ah te telh a ni. 

3.2       Dan lam mithiam ten min chhan hi Indian Constitution hnuaia Article 22 ami angin India khua leh tuite dikna chanvo ani. Juvenile Justice lama in relbawlna kalpuina ah hian State chhunga Legal Service-te senso ani em tih chian hmasak tur ani. Naupang kumtlinglo dan bawhchhiatna ah hian Legal Services Auhtority ten dan lama a thlawna tanpuina pek hi an tih makmawh ani. 

Ahnuai amite hi Indian Constitution in naupang kaihhnawiha ruahhmanna a siamte chu ani :

  1. Article 14 –ah chuan dan hmaah chuan State chhung ami tupawh angkhat veka en a hnial lo ang emaw India ram chhung ami tupawh venhimna ang khat vek pek tur tih ani.
  2.  Article 15(3) ah chuan he Article hian State chhunga hmeichhia leh naupang tana abika ruahmanna siamna tur atan adanglo ang tih ani.
  3.  Article 21 ah chuan dan anga thupek siam anih loh chuan mi tupawh a nunna emaw mimal zalenna ti bawrhban sak anilo ang tih ani.
  4. Article 21A ah chuan State in naupang kum ruk atanga sawmpali inkarte tan a thlawna lehkhazirna a pe anga hemi chungchangah State in dan hmangin a ngaihtuah ang.
  5. Article 23(1) ah chuan mahni mihringpuite sumdawnna atana hman leh kutdawh tir leh inchhawr luihna hrang hrang hi phalloh ani a hetiang thil ti thinte chu danbawhchhia an nih mai bakah dan anga hrem theih anni.
  6. Article 24 ah chuan naupang kum sawmpali hnuailam chu eng factory emaw thil laih chhuahnaah pawh emaw hna hlauhawm thawk tura chhawr phal anilo.
  7. Article 29(2) ah chuan India khua leh tui mi chu eng zirna hmunah pawh State enkawl ani emaw State pawn lam atanga tanpuina hmuhna hmunah pawh sakhuana, hnam, tawng leh thildang vangin luh a remtilo tur anilo.
  8. Article 39(e) ah chuan state in hnathawktute, mipa leh hmeichhiate hrilselna leh chakna venhimna atan ruahhmanna a siam tur ani a, naupang la  kum lama naupangte chhawr anni em tih leh khua leh tui zing ami te chu an kum leh chakna phulo in sum lam mamawhna avangin hnathawka chhawr anni tur anilo.
  9. Article 39(f) ah chuan state-in naupang ten hriselna lama hma an sawn theihna atan hun tha leh remchang pek anni theih nan ruahmanna a siam anga, zalenna leh dikna kawnga naupang leh thalaite chu hman khawloh annih lohna atana venhim leh rilru leh bungrua lama phatsanna laka venghim tura ruahmana siam.
  10. Article 45 ah chuan State-in nausen inenkawlna leh naupang zawng zawng kum sawm paruk an tlin hma zawng lehkha zirtirna turin theih tawp a chhuah ang.
  11. Article 47 ah chuan State in mipuite chaw tha eitur leh khawsakna lama  leh khawtlang hriselna tih hmasawnna atan theih tawp chhuah hi a tih tur hmasaber ani.
  12. Article 52A(k) India khua leh tuia nu leh pa emaw chhungte tih tur chu naupang kum ruk leh sawm pali inkarte  lehkha zirtir hi ani.

4. Other Legislations

            Constitution piah lamah naupang tana dan siam tam tak a awm bawk a. Thenkhat chu ahnuai ami ang hian:

  1. The Guardian and Wards Act 1890

He Act hi naupang enkawltu zir zat, ruatna leh hlihna lam court thuchhuak a kawka naupang zawng zawng an sakhuana lam thliarlo in a huap vek ani.

 

  1.  The Child Labour (Prohibition And Regulation) Act 1986 

He Act hi naupangte hna hrang hranga chhawr thinna tihtawpna atan leh naupang hna hrang hranga thawk thin te tih hmasawnna atana siam ani. Act hnuaia ‘naupang’ tih awmzia chu kum sawm pali la tlinglo tihna ani. He Act hian naupang kum 14 la tlinglo chu hnathawk atan chhawr hi a khap ani. 

 

  1. The Pre-Natal Diagnostic Technique (Regulation and Prevention of Misuse)Act 1994

He Act hian naupian hmaa khawl hmanga naute hriselna emaw rualban lohna emaw enna atan hman leh nausen hmeichhia tihtlakna atan khawl hmanga mipa leh hmeichhia annih en thin laka venna atana dan siam ani. 

 

  1.  JUVENILE JUSTICE (CARE AND PROTECTION OF CHILDREN) ACT, 2000

 

He Act hi naupang dan bawhchhia leh naupang in enkawlna leh venhimna mamawhte kaihhnawih niin, enkawlna thatak, hma an sawn theihna tura venhim leh enkawl, an chungchangah naupang hneh thei tur ang bera hmalak leh Act hnuaiah anmahni siamthatna atan hmun hrang hrang a kawk ani. 

 

  1. THE COMMISSIONS FOR PROTECTION OF CHILD RIGHTS ACT, 2005

He Act hi naupangte dikna chanvo venhimna atan leh naupangte chunga thil tisual emaw naupangte dikna chanvo lama dan bawhchhetu leh hetiang lam kaihhnawihte court –a trial an neih hma theih na tur atan National Commission leh State Commission  dinna tur atana siam ani.

 

  1. THE PROHIBITION OF CHILD MARRIAGE ACT, 2006

He Act hian naupan laia nupui pasal inneih tir hi khap tlatin mipa leh hmeichhe tan kum zat pawh a bithliah ani. The Prohibition of Child Marriage Act, 2006-a Section 2(a) angin ‘naupang’ tih hi mipa anih chuan kum sawmhnih pakhat (21) la tlinglo, hmeichhia anih chuan kum sawmpariat (18) tihna ani. 

  1.  THE RIGHT OF CHILDREN TO FREE AND COMPULSORY EDUCATION ACT, 2009

Constitution a Article 21A-ah chuan State in naupang kum ruk atanga sawmpali inkarte tan a thlawna lehkhazirna a pe anga hemi chungchangah State in dan hmangin a ngaihtuah ang tiiin a inziak ani.  Parliament-in the Right of Children to Free and Compulsory Education Act, 2009 hi dana siamin Article 21A-a dah turin a ngaihtuh ani.

  1.  THE PROTECTION OF CHILDREN FROM SEXUAL OFFENCES ACT, 2012

 

He Act hi naupangte mipat hmeichhiatna lama tih khawih chhiatte, chhaih nawmnah leh saruak thla laksak kawngah venhimna atan leh hetiang lam adan bawhchhetute tana Special Court dinna atan ani.

5.         Entitlement to Legal Services

5.1       The Legal Services Authorities Act, 1987 hnuaiah hian naupangte hi a thlawna dan lama tanpuina hmu thei te anni. He Act hi legal services authorities ten India khua leh tui zinga hnam hnufual zawkte dan lama puihna an pek theihna atana siam ani.

5.2       Legal Services Authorities Act, 1987 hnuaia section 12(c)-ah chuan naupang case file tur emaw case laka inveng tur emaw chuan dan lama puihna a la thei. Chuvangin, State Legal Service Institution-te tihtur chu naupang dan lama buaina neite tanpuina pek leh an case neih te a rang thei ang bera tihtawp ani.

5.3       He thilah hian, Scheme hi Legal Service Institutions (Legal Services Authorites, District Legal Services Authorities, Taluk Legal Services Committees, High Court Legal Services Committees, Supreme Court Legal Services Committee)-in naupang chungchanga tanpuina pek laia kalpui tur ani.

6.         Name of the Scheme

                        He  Scheme hi “NALSA (Child Friendly Legal Services to Children and their Protection) Scheme, 2015” tih ani ang.

7.         Definitions

He scheme a thumal hmante,

  1.  “Act” awmzia chu Legal Services Authorities Act, 1987 (39 of 1987).
  2.  “JJ Act” awmzia chu The Juvenile Justice (Care and Protection of Children) Act, 2000 (56 of 2000)
  3. “JJ rules” awmzia chu Juvenile Justice (Care and Protection of Children) Rule, 2007.
  4. “Legal Service ” chu Legal Services Authorities Act 1987 hnuaia section 2(c) nen awmze in ang ani.
  5. Legal Services Clinics awmzia chu National Legal Services Authority (Legal Services Clinics) regulations 2011 hnuaia regulation 2(c)-a clinic sawifiah ang kha ani.
  6. Legal Services Institutions awmzia chu State Legal Service Authority, Supreme Court Legal Service Committee, High Court Legal Services Committee, District Legal Service Authority emaw Taluk Legal Service Committee ani.
  7. Panel Lawyer awmzia chu the National Legal Services Authority (Free and Competent Legal Services) Regulations 2010-a regulation 8 hnuaia panel lawyer thlanchhuahte anni.
  8. Para Legal Volunteers awmzia chu NALSA Scheme for Para Legal Volunteers (Revised) hnuaia sawifiah leh training pek, legal services institution-ten hemi tur atana training peka an zirtirte hi anni.
  9. Tawngkam hman amaherawhchu he scheme-ah hrilhfiahna awmlo leh Legal Services Authorities Act, 1987 (39 of 1987) emaw National Legal Services Authorities Rules, 1995 emaw National Legal Services (Free and Competent Legal Services) Regulation, 2010- a sawifiah anih loh chuan Act sawi tak

emaw Rules emaw Regulations-te nen awmze inang anni.

8.  Objective

8.1       Delhi-ah chuan kum 16 mi ‘X’ chu cell phone ru-a puh ani. Mumbai-ah chuan kum 12 mi ‘Y’ chu mipat hmeichhiatna hmansual kawngah thiamloh chantir ani. Chennai-ah chuan kum 13 mi ‘S’ chu factory-a chhawrluih chu chhanchhuah ani. Nitin naupang hetiang ang hi dan chungchangah hmachhawn thin niin, roreltute rorel danin an nakin hun tur pawh a hril ani. Heng naupangte hian dan lam an behchhan hian eng dikna chanvo nge an neih? Dan lama eng tanpuina pawh an hmu thei em? Anih chuan, heng naupangte hian an mamawh hunah eng ang tanpuina nge thaber ang? Tanpuina chu engtiang angin nge “naupang hip thei” chhawmdawlna anih theih ang? Engtiang angin nge naupang hip thei rorelna hian rorelna diklo a thlen theih? Heng zawhna chi hrang hrang chhang tur leh naupangte dan lam tanpuina tha tak pe thei turin he Scheme hi ruahman ani.

 

8.2       Scheme thil tum tlangpuite chu :-

i)         Naupangte dikna chanvo leh hamthatna hmuhtheihte zawn chhuah.

ii)        Naupangten an mamawh laia enkawl leh venhim leh naupang dan bawhchhiate lakah dan lamah puihna an hmu em tih finfiah.

iii)       National, State, District, leh Taluka huapin dan lama puihna, zirna lama enkawlna, counseling leh tanpuina pekna hmunte tih changtlun.

iv)       Naupang dan bawhchhiate enkawlna hmunah naupangte chu ngai hlua, fuih leh an dikna te zahthiam leh mipangaia enkawl theihna tura boruak tha siam.

v)        Naupangte laka dan hmanga puihna kawngah PLV te, Panel Lawyer te, counselor te, tanpuina petute, NGO te, khawtlang hruaitute, police te, dan hremite leh State sawrkar hetiang lam kaihhnawih department-te chu mawhphurna pek uar sauh.

vi)       Naupang enkawlna atan thuneitu leh dan zamna entirna JJB, CWC, welfare committee dangte, observation and shelter home, psychiatric hospital emaw psychiatric nursing home, commission, board, office of probation probation office leh adangte din ani em tih finfiah.

vii)      Naupangte hamthatna leh venhimna atan atan central leh state scheme zawng zawng, policy, regulation, SOPs, police directive, conventions, rules, declaration, comments, report leh adangte data a neih vek.

viii)     Naupangte venhimna pekna hmun, scheme leh adangte naupangte dikna chanvo chungchang awm zawng zawngah mipuite zirtirna atan awareness programme buatsaih, stakeholder zawng zawng heng PLV te, Panel Lawyer te, JJB leh CWC member, welfare officer te, counselor te, probation officer te, police, public prosecutor, judicial officer te, home hrang hrang enkawltute, zirna in leh damdawiin leh dangte huamin.

ix)       An thiamna ti belhchhah tur leh mawhphurna siam belhna atan senior police officer te, SJPU te, JWO te, panel lawyer te, PLV te, JJB leh CWC memberte, welfare officerte, counselor te, probation officer te, public prosecutor te, judicial officer te, home hrang hrang enkawltute hnena training, orientation leh sensitization programme buatsaih.

x)         Naupangte dikna lama hawia scheme leh dan chungchangah seminar, colloquia, workshop lehconference buatsaih.

xi)       Child Rights kaihhnawih mawhphurhna nei sawrkar lam, zirna, NGO leh pawl- te nena thawhhona tha neih.

xii)      Scheme, dan leh adangte chungchang zir turin zirchianna neih leh dahthat a a thalo laite a awm anih chuan thuneitute hnena rawtna pek.

9.         The key principles that should be kept in mind by legal services institutions   at all levels:-

9.1       Best interest of the child:- Naupang enkawl leh venhim ngai leh naupangte zan bawhchhiate dan lama puihna pek chungchangah naupang zawng zawng hian an duhdan sawi theihna dikna chanvo an nei ve ani.

9.1       Welfare of the child:- Thildang zawng aiin naupangte hmakhua tur ngaihtuah hmasak tur ani. Naupangte hmakhua tur chawisan kawngah ahma lama hmalak leh puihna a awm tur ani.

9.2       Right to dignity:- Naupang zawng zawngte hian an zahawm tak leh lainat taka enkawlna atan dikna chnavo anneia venhim an phu bawk ani.

9.3       Right to equality and no discrimination:- Naupang chu a hnam, sakhuana, rinna, kum, chhungkaw nihna, tawng, rualbanlohna engpawh emaw pianna vangin enhranna neih loh tur ani.

9.4       Principle of right to be heard:- Naupang zawng zawngten  thil hrilhhriat, ngaihthlak leh an ngaihdan zalen taka sawi chhuahna dan an nei ani.

9.5       Principle of right to safety:- Naupang zawng zawngten eng kawngah pawh humhimna atan dikna chanvo anneia tihnat, tih khawloh leh ngaihthah thian anilo.

9.6       Principle of confidentiality:- Legal services institutions-ten engkawngah  pawh naupangte thuruk an vawn sak ang.

10.       Plan of Action

10.1     Constitution of boards, committees, commissions, etc.

(a)       JJ Act hnuaia section hnuaiah State sawrkar chu district tinah Juvenile Justice Board din a phalsak ani. District tinah regular court bakah board dang engmah la din lohna ah Juvenile Justice Board din anih leh nih loh a finfiah anga, district tinah JJB din anih theih nan hemi chungchangah hian SLSA in State sawrkar nen tangkawpin rang takin hma an la ang.

(b)       Section 29 JJ Act in State Sawrkar chu district tinah naupang enkawl ngaite kaihhnawih atan Child Welfare Committees din a phalsak ani. Chu committee-ah chuan Chairperson leh member dang pali hmeichhe pakhat telin State Sawrkarin a ruat ang. SLSA in district tinah Child Welfare Committee din ani em tih a finfiah anga din anih loh chuan, district tinah committee din anih theih nan SLSA in State Sawrkar nen tangkawpin a rang lamin hman an la ang.

(c)       JJ Act in naupang kum tlinglo dan bawhchhiate tan Special Juvenile Police Unit (SJPU) din dan tur a ngaihtuah ani. Naupang kumtlinglo dawr tur hian Police station tinah officer pakhat Juvenile/Child Welfare officer tur abika zirtirna leh training pek ruat ani ang. (section 63, JJ Act and rule 11 of JJ Rules). SLSA in he Special Juvenile Police Unit hi din ani em tih a finfiah ang.

(d)       SLSA in Juvenile Welfare Officer leh SJPU member-te a endik anga state chhunga police station tinah an biakpawh theihna nen tarlan ani ang.

(e)       JJ Act section 62A hnuaia tarlan angin state sawrkar tin ten naupang enkawl leh venhimna mamawhte tan state leh district ah protection unit an din ang. He child protection unit hi din ani em tih SLSA in a enfiah ang.

(f)        Commission for Protection of Child Rights Act, 2005-a section 17 hnuaia tarlan angin State chhungah State Commission din ngei ngei tur ani. Commission for Protection of Child Rights Act, 2005-a section 17 hnuai ami angin din ani em tih leh hna an thawk tha em tih SLSA in a enfiah ang. (Re. Exploitation of Children in Orphanages in the State of Tamil Nadu Vs. Union of India (UOI) and Ors. (2014)2 SCC 180). Hemi chungchangah hian SLSA leh state sawrkar tangkawpim zirna hmun la inziak lutlo te chungchangah hma an la ang.  

(g)       Naupang dan bawhchhiia te leh naupang  enkawl leh venhim ngaite awmna atan observation home, shelter home leh child care home sawrkara inziak lut awm an tam tawk em tih SLSA ten an enfiah ang.

(h)       SLSA ten district zawng zawng tan “Observation and Children Home Committee” tih an din anga hemi ah hian District Secretary chu chairperson ani anga, panel lawyer pakhat leh probation officer pakhat member anni bawk ang. He committee hian district huamchhunga home awmte tlawhna turin calendar an siam anga thlakhatah vawikhat tal an tlawh bawk ang.

(i)        He committee hnathawh tur lian ber chu observation home, special home, leh children home te hi naupangte nuam tih zawngin a awm em tih thlithlai ani ajail emaw lock up emaw ang tur anilo a naupangte enkawlna tha tak ani tur ani. Inthiarna tha leh thianghlim, thawmhnaw leh mutbu, chawtha eitur, hriselna lam enkawlna primary health centre-te nena in zawm an hriselna dinhmun ziah luh leh adangte, committee ten eng emaw tlakchham an neih a hriat chuan SLSA in hemi lama thuneitu nen tangkawpin hma an la anga an bawhzui ang.

10.3     Legal Services Clinics

(a)       SLSA in state chhunga district tina Juvenile Justice Board leh Child Welfare Committee zawng zawngah Legal Services Clinic a din vek ang.

(b)       Legal Services Clinic hawn chungchang hi sawrkar lam, department Police, NGO huamin hriattir vek ani anga clinic contact number leh address te hriattir nghal tur ani.

(c)       Heng clinic-ah te hian PLV dah vek tur anni.

(d)       SLSA in state an office zawng zawng, district leh Taluka-ah te clinic contact numberleh hriattur dangte a tar ang.

(e)       DLSA zawng zawngten district tina schoo-ah principal ten en tangkawpin legal literacy club din tur ani.

10.4     Legal Representations.

Statutory provisions

  1. Act-a section 12(1)(c) hnuai ami angin naupang tupawh thubuai thehlut    emaw thubuai laka in hum tum ten a thlawn in dan lama puihna an dawng thei ani.
  2. Juvenile zawng zawngten State Legal Aid Services Authority emaw recognized voluntary legal services oranisations emaw the University legal services clinics. {Rule 3.1 (d) (iii) e/w(2)of JJ Rules} kaltlangin dan lama puihna an dawn gem tih board-in a enfiah ang.
  3. District Child Protection Unite leh State Legal Aid Services Authority a Legal officer in Juvenile zawng zawng tan a thlawna dan lama tanpuina pek kawngah a pawtsei thei ang.
  4. Protection of Children from Sexual Offences Act,2005-a section 40 hnuai ami angin Legal Services Authority ten naupang chhungte emaw enkawltute tan ukil an rawih sak ang, legal counsel an pe theilo anih chuan.

Role of SLSAs

  1. Dan lama mamawh ang hmuh theihna atan SLSA in advocate thiam tak    leh inpe zo tak naupang/Juvenile tan forum tin entirnan, JJB, CWC leh adangte-a  aiawh thei tur a ruat ang, dan lama tanpuina pek kawngah awmze leh hlawhtling tak anih theihna atan.

 

(b)       JJB leh CWC atan Ukil tha leh inpe zo tak mamawhnaah naupang emaw               Juvenile tana dan lama puihna pekte chu a tha tawk em tih SLSA in a enfiah ang.

(c)       SLSA in Panel lawyers-te hnathawk dan tur hrilhin  a enpui anga an hnathawk dan a khat tawka endik pawh ati thei ani.

(d)       Panel lawyer-te lawman tur chu an hnathawh dan report azira pek tur anni. JJB emaw CWC emaw an awmna atangin report chu countersign tur ani.

(d)       Naupang zawng zawngte chu dan lama puihna leh puihna dang mamawhna ah puih annih theihna atan legal officer, panel leh Legal Services clinic-te thawhhona a tha em tih SLSA in a enfiah ang.

10.5     Training and orientation programme

(a)       Writ Petition (C) No. 473/2005-a Sampurna Behrua v. Union of India & Ors. –a ni 12.10.2011 leh 19.08.2011-a Hon’ble supreme court of India thuchhuak angin SLSA zawng zawngten NALSA-in police station tina juvenile/ child welfare officer te leh special juvenile police unit member training pek dan turah leh naupang kumtlinglo dan bawhchhiate enkawlna hmuna dan lama puihna kawngah guidelines hrang hrang a pekchhuahte a zawm tur ani.

(b)       Special Juvenile Police Units leh Juvenile/ Child Welfare te tih tur, mawhphurhna leh hnathawh tur awmsa te chu semchhuah ani em tih enfiah nan State Legal Services Authority tin ten Police Department-a hotute a thawhpui ang. Tihtur thupek awmlai chu JJ Act kaihhnawih, JJ Rules/ the applicable Rules ( State sawrkarin Juvenile Justice Rules hran a neih chuan) leh Sheela Barsa V. Union of India (1986 SCALE (2) 230) : (1987) 3SC50- a Hon’ble Supreme Court judgement. State Legal Services Authority-in hnathawh dan tur thupek lama puih nan ruahmanna neiin a buatsaih ang. Hnathawh dan tur siamte chu mahni hnam tawngin a awm em tih leh Police Station zawng zawngah dah ani em tih State Legal Services Authority-in a enfiah ang.

(c)       Tangkai tak anih theih nan naupangte dan lama tanpuina atana dan leh thil tih theihte hriatchian hmasak a tul ani. Hemi atan hian Legal Service Provider-te an ngai ani, ukil anni emaw, PLV, Police Officer emaw Judicial Officer-te anni emaw naupangte biang biak na atan training tha tak pek a pawimawh ani.

(d)       Children legal service provider, judicial officer, panel lawyer, police officer, JJB, CWC-te chu dan lama training pek anni emaw nilo emaw naupangte dikna chanvo chungchangah training pek tur anni. 

(e)       Dan chungchang pawimawhna leh dan hman theih chungchang, scheme, report, international convention leh rules chungchangah a theih chinah training pek.

(f)        Naupang kaihhnawih dan awm hi constitution a awmsa, dan siam, scheme, report, international convention leh rules te a huam ani. Chona lian tak chu heng naupang tana thawk thin te chungah hian engtiang anga tangkaiin nge heng chungchang hi hrilh anih theih ang tih hi ani. Chuvangin, training pekah hian heng hnathawktute tan naupang harsatna neite sutkian sak dan tur chanchin kimchang tak ani tur ani. 

10.6     Legal Awareness

(a)       SLSA zawng zawngten child rights lam hawi scheme chungchang kimchang awmna   booklet/pamphlet/legal service manual-te an buatsaih ang. Heng booklet/pamphlet/legal service manual copy-te hi front office zawng zawng, legal services clinic zawng zawng, JJB, CWC, Police station leh adangte dah vek tur ani.

(b)       A chunga sawi tak chanchin kimchang hi Doordarshan, All India Radio leh Community Radio kaltlanga thehdarh tur ani.

(c)       SLSA zawng zawngten zirna in, State Commission for Protection of Child Rights, NGO leh adangte nena tangkawpin vantlang mipui zingah naupangte dikna chanvo leh an humhimna dan hi zirtirna pek tur ani. 

(d)       Essay competition, street play competition, poster making competition, painting competition leh debate te hi school leh college naupang zinga zirtirna thehdarhna dang leh ani.

(e)       PLV-te chu naupang chungchang thu inziak poster semkualin outreach campaign neih tir nise.

(f)        Naupangte hnenah dan lam tanpui theihna dan hrilhhriat mai bakah vantlanga outreach nei tura ruat hi dan chawikanna atan tha tak niin Legal Service Provider-te nena thawhhona thatak ani. 

(g)       Thingtlang hmun pilrilah naupang tam tak dan lama tanpuina mamawh tak tak an awm a. Heng naupangte hian an chenna atang hian dan lama tanpuina peutute pan a harsa ani. He harsatna suking tur hian, SLSA ten hman lak angai ani, mobile clinic leh One Stop Centre programme naupang tan dan lama tanpuina zau zawk pek theihna huamin.

(h)       Bachpan Bachao Aandolan vs Union Of India-a thuchhuak angin naupangte interview leh chanchin chhuina atan, conselling pek tur leh  naupang leh an chhungte inkar rem turin DLSA-ten police station tina PLV dahte chhawr tangkai nise.

(i)        Naupangten an dikna an hriat theihna atan school tih tihah telh anih theih nan SLSA tin ten hemi chungchangah hian State sawrkar puihbawmna an la ang.

(j)        CrPC-a section 357 dah thar leh State Victim Compensation Scheme chungchang thehdarh tura naupang hnena compensation pek vat anih theih nan SLSA tin ten awareness neih nise.

(k)       SLSA tin ten legal services directory siamin stakeholder zawng zawng hnenah pek vek tur ani.

(l)        SLSA tin ten children’s right to education leh nup leh paten an fate school kal tir hi fundamental duties anih zia zirtir turin legal awareness campaign uar taka neih nise.

(m)     Non-institutional services entirnan adoption, sponsorship leh naupang chhawmdawlna awm chungchangah awareness buatsaih hi a ngai hle ani.

(n)       Naupang enkawl leh venhim mamawhte tana thawk thin NGO-te zawnchhuah hna hi SLSA ten an thawk ang.

(o)       Mipui ngaihdan leh chin dan thlak tur leh naupang hma lutuka nupui/pasal neih tiring an hriselna leh an nunah leh an hun local zel torah a thalo zawnga nghawng a neih theih zia zirtir nan community mobilization leh outreach neih theihna tur awareness buatsaih nise.

(p)       Hmeichhe naupangten hma taka pasal neih luih tirna laka venna atan PLV-te kaltlangin khawtlang mipui zinga in hnamhnawih.

(q)       PLV-te hmangin SLSA tin ten naupang hnathawka chhawr chungchangah thingtlang lama hma la in chhungtinte hnenah lehkha zir hlawk zia leh naupang hnathawka chhawr hi dan kalh ani tih hrilh hriat tur ani.

(r)       Naupang kum 14 hnuailamte eng hna ah pawh chhawr khap anih zia hrilh hre turin awareness programme buatsaih nise naupang bumna tawh chungchang uar taka sawi ni bawk se.

(s)       Naupang kum 6 leh 14 inkar tan a thlawna lehkha zirtirna dan dinglai State chhungah hlawhtling taka hman anih theih nan SLSA tin ten State Sawrkar an thawhpui ang.

(t)        Chhiat tawh lai leh vanduaina tawh lain naupang hnathawk tura chhawr tur emaw retheihna a pung nasa thin ani. Chuvangin, hemi atan SLSA in NALSA scheme hnuaia an din chu chu “ A Scheme For Legal Services To Disaster Victims Through Legal Services Authorities”, hemi hmang hian heng naupangte dikna chanvo venhim sak leh hmakhua tur ngaihtuahsak kawngah hmalak ani em tih enfiah tur ani.

(u)       Vantlang atanga naupang hnathawk tura chhawrna lama harsatna sutkian anih theih nan SLSA ten hnathawh dan tur an duang ang.

(v)       Naupang chhawrluih tura vauna nuaibona atan leh Constiturion-a thupekte tih hlawhtling turin, Supreme Court-in (1996) 6 SCC 756  M.C. Mehta v.State of Tamil Nadu- ah hian tihdan tur thupek thahnem tak a pe ani. Thupek pawimawh tak pakhat chu Naupang chhawr luih phallohna dan (Prohibition & Regulation) Act, 1986 hnuaia naupang kum 14 chin hnuailam hmun hlauhawma chhawr thin tuten zangnadawmna atan naupang hnenah cheng 20,000/- an pe tur ani. Sawrkar pawhin heng naupang hmun hlauhawma chhawr thinte tan hian cheng 5,000/- theuh pek nise ati ani. Sawi tak cheng 25,000/- hi Child Labour Rehabilitation-cum-Welfare Fund tih ah thun luh sak tur ani a, heng sum tling khawmte hi naupang chhanchhuahte siamthatna atana hman tur ani.

            Sawi tak thuchhuakte zawm tur leh bawhzui turin Legal Services Authority-ten police, labour department leh heng lam kaihhnawih thuneite nen an thawkho ang.

11.       Database

            SLSA zawng zawngten naupangte hamthatna leh venhimna central emaw state scheme zawng zawng, policy, regulation , SOPs, police directive, convention, rules, declaration, comments, report leh adangte database an nei vek tur ani a legal awareness pek tul chang leh naupangte dan lama tanpuina pekna atana hman tur ani.