NALSA (Legal Services to senior Citizens) Scheme, 2016

  1. BACKGROUND

 

  1. Kum upate hi Pawl/Ho khatah an awm vek lo. Thil tam tak, an tawn-hriatte khawlkhawmtu an ni a, chutih lai chuan thalaite zingah hnawksak leh phurrit maia ngaia hnawl leh dah bo duhtu an awm thin. Upate hi an inang vek lo va,  an kum bite inrual lo vin an taksa chak zawng leh rilru chak zawng pawh a inang lo va, chutiang zelin an hnathawh theih dan pawh a inang lo nuk a ni.

 

  1. Hun lo kal zelah science lama thiamna lo sang zel avang hian,mihring dam rei zawng pawh a lo dang chho ve zel a. National Policy on Senior Citizens, 2011 in a tarlan dan chuan, “Mihring awm zat chhuina chuan heti hian a chhui a. Kum 2000-2050 ah chuan India population pumpui chu 55% in a pung ang a, kum 60 chin leh a chunglam chu 326% in a pung ang a, kum 80 leh a chung lam pawh 700% a pungin a pung chak ber an ni dawn a ni”. Khawvel puma Upate hmun 8 a thena hmun khat (1/8th) hi India rama cheng an ni. A nihna takah chuan upate hi kum 1951 atanga 2001 chhungin maktaduai hnih atangin maktaduai 7.2 in an pung a, kum 2011 ah meuh chuan maktaduai 10.38 lai an lo tling tawh a ni. Chutichuan, khawvel puma mi cheng 8% hi kum 60 chunglam an ni. India ramah chuan Kerala ah kum 60 chunglam an tam bera, 12.55% an awm a ni. Kum 2011 Census-a a lan dan chuan kum 60 chin chung lamah hian hmeichhia tam zawkin, mipa 5,10,71,827 an nih laiin hmeichhia chu 5,27,77,168 an tling daih a ni.

 

  1. Upate hian vantlang khawsak hona thilah te, an taksa thilah te, rilru lamah te leh sum leh pai dapna kawngah te harsatna lian tak an hmachhawn reng a. Sum leh pai lama an harsatna hi hna thawh an neih tawh loh avanga sum lak luh an neih tawh loh vang a ni thei. Taksa lama an harsatna hian hrisel lohna leh damdawia inenkawlna kawnga an harsatnate hi a huam a. Vantlang nun hona kawnga an harsatnate hi chu chhungte puihbawmna an dawn that loh avang leh khawtlanga inkiltawihna an neih vangte pawh a ni thei bawk. Thlamuang taka nun hman (security) hi Upate tan thil pawimawh lian tak pakhat a ni a. Hetiang lama an harsatna hi joint family system lo keh chhiatna hian a tizualin, Upate chu anmahni inngaihtuah ve mai tura ngaihthah mek zel an ni. Chhungkuaa thawk chhuak thei deuhte thingtlang atangin khawpui lamah an pem lut zel bawk a. Chuvang chuan thingtlang lama hmeichhia leh upate chuan harsatna lian zawk an tawk thin a ni.

 

  1. Upate hian taksa leh rilru lamah tihnawmnah an hlawh hle tih hi chiang taka hmuh a ni a. Khawvel puma tar zatvete hian zahlohna leh ngaihthahna bakah tihnawmnah an tuar fo thin a ni tih hi report-ah a lang a ni. National Crime Reports Bureau (NCRB) in a sawi danin, January 2014 atanga October 2014 khan upate chunga pawikhawihna case 8,973 ziah luh a ni. Hei vang hian Society leh State zawng zawng pawhin vantlang nun piah lama upate tan bika dikna leh chanvo (rights) siam sak tura ruahmanna hi a pawmpui a ni.

 

  1. Mihring dam rei theih chin chhutna (aeging) chungchang hi United Nations-ah kum 1948 atang daih tawh khan vawrh chhuah a ni ve thin a. Vienna khawpuiah kum 1982 khan, ‘The World Assembly on Ageing’ chuan International Plan of Action on Aeging chu ram tinten an ram chhunga upate chungchang ngaihsak kawnga an theihna nasa zawka an lo hman theihna turin leh upate mamawh rilrua dah chungin a pawm ta a ni. Kum 1991 khan UN General Assembly chuan dan mumal tak siamin upate tana zalenna, chanvo an neih ve na tur, anmahni enkawlna, an zahawmna humhimsakna kawng lamah principle mumal tak a lo duang tawh a ni.  1st October hi khawvel puma upate ni (International Day for the Elderly) atan puan niin tunah chuan International Day of the Older Persons tia thlak a ni tawh.

   

 

  1. CONSTITUTIONAL GUARANTEES.

 

  1. Article 21-na chuan mi tupawhin hlim tak leh zalen taka a nun a hman chu a chanvo a ni tiin a sawi a. Hei hian Upate pawh hian zahawm taka nun an hman hi an chanvo a ni tih a huam. Article 41 chuan State tinte chu anmahni huam chhungah hna nei lote hna thawh tur zawnsak te, zirna lam ngaihsak te, hna nei lo te, tar chaklo leh kum upa te leh pianphunga rualbanlo te ngaihsakna lamah dan mumal tak siam turin a ti a. Article 46 pawhin khawtlanga mi harsa leh hnuaihnung zawkte chu enkawl uluka an dinhmun chawikang tur leh khawtlanga hleihneihna leh chhawrluihna te an tawrh lohna turin State tinte chu hma la turin a ti bawk a. Article 41 leh 46 te hi Directive Principles of State Policy hnuaiah awmin thubuai hlabuaiah rorelna Court-ah lakluh theih ni lo mah sela, State tinte tan ram chhunga inrelbawlna kawngah thil pawimawh tak a ni.

 

  1. State List-a Entry 9 leh Constitution hnuaia Seventh Schedule, Concurrent List-a Entry 20,23 leh 24 te hi tar pension, social security, social insurance leh economic and social planning chungchang an ni a. Concurrent List-a Entry 24 hian a bik takin kuthnathawktute hamthatna leh an hnathawh chungchang te, provident fund, kuthnathawktute tana zangnadawmna, tar pension leh maternity benefit chungchangte a sawi bawk a. Chutichuan, kum upate chungchang leh hamthatna lam hi Ram Danpui hmun hrang hrangah kan hmu a ni.

 

  1. LEGISLATIVE FRAMEWORK

 

  1. Kan dan hman mek tam zawk hi nu leh pa te chhawmdawlna lam niin a hranpaa chiang taka upate chhawmdawlna lam hi sawi a awm ve lo va.  Hmasang atang tawhin Hindu Law chuan, fapate tan an nu leh pate anmahni inenkawl thei tawh lo te enkawla chhawmdawl chu an mawhphurhna leh an tih tur a nih thu a lo sawi a. Hindu Adoption and Maintenance Act, 1956 hnuaiah chuan, nu leh pa kum upa tawh leh che hlei thei tawh lote, anmahni thawhchhuah atanga inenkawl hlei thei lote chu fapa emaw fanu emaw ten an chawm tur a ni. Muslim Personal Law-ang chuan an nu leh pate la inchawm thei pawh ni se, khawsak awlsam zawk an fate chuan an nu leh pate chhawmdawl chu an tihmakmawh a ni a, an pi leh pute pawh an enkawl tur ani. Tin, an harsa a nih pawhin, a pa tal chu an chawm tur a ni. 

 

3.2   Code of Criminal Procedure Section 125 atanga Section 128 chuan nu emaw pa emaw mahni inenkawl thei lote chuan, an fapa emaw fanu emaw te hnen atanga chawmna an phut thei ang tih a sawi a. Hei hi sakhaw lam dan (secular law), sakhaw hrang hrang betu zawng zawngte huap a ni. Chhawmdawlna pe tura Court in order a pek hnuah   chhan tha tawk tak awm lova a pe duh lo a nih chuan, Court order lek kawh tura ngenna (execution proceeding) a file theih a, Court chuan warrant tichhuakin a tihtur a tih duh loh avang chuan lei chawitirin Tan ina khung thlengin a hrem thei. Tin, nu chuan in chhung khurah hleihlenna (domestic violence) a tuar a nih chuan,  Protection of Women from Domestic Violence Act, 2005 hnuaiah a fapa lakah thubuai thehlutin hamthatna (reliefs) chi hrang hrang a phut thei a ni.

 

  1. Upate dikna leh chanvo humhalh a tulzia leh Ram Danpuiin a thiltumte ngaihtuah chungin Maintenance and Welfare of Parents and Senior Citizens Act, 2007 pawh siam a lo ni ta a. He dan hnuaiah hian heng mite hian chhawmdawlna (maintenance) an dil thei (1) Nu emaw pa emaw, an mahni hringtu nu emaw pa emaw anmahni adopt-tu nu emaw pa emaw, nuhrawn emaw pahrawn emaw an nih pawhin; leh (2) Senior citizen i.e kum 60 tling tawh leh a chung lam, heng mite hian chhawmdawlna (maintenance) hi an dil thei bawk (a) nu leh pa emaw, pi leh puten an fate pakhat emaw a aia tam atangin emaw i.e fapa, fanu, tupa leh tunu, kum tling lo an nih loh chuan (b) Fa hring lo Upaten an chhungte atangin i.e legal heir, kum tling lo a nih loh chuan leh a ro kawl mektu emaw a thih hnua a ro khawmtu tur hnen atangin. He dan hian sub-division tinah chhawmdawlna pe tura order siam chungchang ngaihtuahtu tur Tribunal pakhat emaw a aia tam emaw din turin a ti a, tin,  District tinah Tribunal case atanga appeal case kal chho ngaihtuah turin Appellate Tribunal din turin a ti bawk a. He dan hnuaiah hian thil pawimawh tak a awm a, kum upaten an thil neih (property) an transfer-na hnen atanga chhawmdawlna (maintenance) an hmuh hi an chanvo niin chu chu an ti duh lo a nih chuan thubuaiah a lak theih a ni.  Tribunal hian, a thil neih (property) petu (transferor) duhdan a nih chuan, a lo dawngtuin a intiam anga a mamawhte pea a enkawl leh duh si loh chuan, chu inpekna (transfer) chu engmah lo (void) ah a puang thei ang.

 

  1. He dana thil pawimawh tak pakhat chu, anmahni enkawla venghimtuten upate hlamchhiaha an tlanbosan chuan thil sual tia ngaih an niin, thla thum thleng tantir emaw Rs 5,000 thleng chawi tir emaw a pahnih emawa hrem kawp theih an ni. He dan hi Upate nunna leh thil neih bungraw venhimna atan leh hmuh chhuah mai theih lohna hmuna hlamchhiaha tlanbosan ngawt an nih mai mai lohna atana venna pawimawh tak a ni. He dan hian hengte hi a sawi bawk:

 

  • mahni inenkawl thei lo upate tana Old Age Homes din.

 

  • State sawrkarin sawrkar damdawi in emaw an senso zawng zawng emaw a then a zar emaw an tumsakna emaw (funded fully emaw funded partially) damdawi inah upate tan khum a dah ang a, an tan intlarna bik siamin natna khirhkhan leh tihdam theih loh natna emaw veitu upate enkawlna tur a ruahman ang.

 

 

  1. GOVERNMENTAL SCHEMES FOR SENIOR CITIZENS

 

4.1 Central sawrkar hnuaia Ministry hrang hrangte pawhin upate chungchangah scheme hrang hrang an rawn duang chhuak zel a. National Policy on Senior Citizen chuan upate khawtlanga nuam ti taka an khawsak theihna tur te, a bik takin kum upa hmeichhia te, ageing in place emaw ageing in own home, housing, income security leh homecare services, old age pension, healthcare insurance scheme leh programme dang tam tak upate zahawmna vawn him chungchangte a rawn ngaipawimawh a. He Schemes for Senior Citizens hian hengte pawh hi a huam:

 

  1. Integrated Programme for Older Persons duan niin hemi hnuaiah hian Old Age Homes, Day Care Centres, Mobile Medicare Units  dinna leh enkawlna tur leh upate tana non-institutional service atana senso (project cost) 90% chu NGO-ah hlan a ni.

 

  1. Income Tax tihhniamsakna awmin, Section 80D of Income Tax Act, 1961 hnuaiah medical insurance premium Rs 30,000   thlenga tihhniam, Upate tan Section 80D hnuaiah damlo (specified ailment) enkawl nana hman Rs 60,000/- tihhniam, Income tax return file nan upate tan counter hran dah leh Spot assessment tihsak.

 

  1. Senior Citizen Saving Scheme hnuaiah kum 60 chin leh a chunglamten Post Office-ah Rs 1,000 (or its multiples), kum tin 9% pung awmin an dah thei a, kum 5 hnuah a hminin (mature) kum 3 dang a dah chhunzawm theih. Kum 65 chin chunglam tan phei chuan a pung tam zawka dah theihna savings schemes a awm bawk.

 

  1. Indira Gandhi National Old Age Pension Scheme hnuaiah chuan central puihnain kum 60 chin chung lam tan pension thaltin Rs 200 siam a ni a, kum 80 chin leh a chung lam BPL chhungkaw tan phei chuan thlatin Rs 500 niin, a tlem berah hetiang zat tal hian State sawrkar-te chu pe ve tura beisei an ni. 

 

  1. Ram chhung thlawhtheihnaa economy class-ah chuan man (basic fare) tihtlawmsak an niin Thlawhtheihna chhung luh chungchangah pawh ngaihpawimawh bik an ni.

 

  1. Rel-ah pawh class zawng zawngah chuan man hi tihtlawmsak an ni a, lower berth-ah te, ticket lei, hauh leh cancel chungchangah pawh an tan counter hran siam a ni a, District Headquarters leh station pawimawhtea junction tinah upate hman turin wheelchair dah vek a ni.

 

  1. Upate tan hian State Road Transport Undertakings Bus-ah te tlar hmaa seat hnih chu hauh (reserve) niin Bus chuan man tihtlawmsak bik an ni bawk.

 

  1. Damdawiinah pawh upate tan bik registration leh clinical examination atan intlarna hmun hranpa siam a ni a, tin, a bik takin kal tha lo, lung lam natna, zunthlum neite leh mit tha lo te chu an senso tihhniamsak an ni.

 

  1. Antyodaya Scheme hnuaiah hian upate chenna BPL chhungkuate chu eitur a bikin buhfai (food grains) chhungkaw tinah thlatin Kg 35 a man tlawm (concessional rate) a pek an ni.

 

  1. State leh UT ah te Annapoorna Scheme hi kalpui ni tawhin, old age pension scheme hnuaia awm ve lo kum upa beneficiary tinte hnenah thlatin buhfai (food grains) Kg 10 a thlawna pek a ni.

 

  1. Fair Price Shop-ah te pawh ration card neitute hnena ration pek chungchangah upa kum 60 chin chunglam chu ngaihpawimawh bik an ni.

 

  1. Ministry of Communication pawhin telephone connection pek chungchangah a ngaipawimawhin faults/complaints an neih chu ngaihpawimawh bik niin senior citizens category tiin VIP flag nen register a ni a. Hei hi priority category a ni.

 

4.2 Court-ah pawh upate case chu ngaihpawimawh niin chinfelsak zung zung thin tum a ni. Right to Information Act, 2005 hnuaia upate second appeal phei chu ngaihpawimawh bik a ni.

 

4.3 State hrang hrangte chuan anmahni Schemes leh Programmes upate hamthatna tur chungchangah an siama, a biktakin security lam an ngaipawimawh sak hle.

 

4.4 Upate tana dan siam leh scheme hi tam tak awm tawh mah se, an hamthatnate hi a taka teltu chu tlemte chauh an la ni a. Upate zingah an chanpual (entitlement) a awm thu la hre lote awmin, an dinhmun a chhiat em avanga an chanpualte pawh haichhuak hlei thei lo dinhmuna dingte an la awm a. An thil neih (property) chhuhsak an ni mai lova, tihnawmnah an tawkin an zahawmna te thlenga hlihsak an ni thin. Kum upa hmeithai emaw, pension tawh emawte tan hian anmahni pension leh hamthatnate han inbuaipui hi thil namai lo a ni ve a. Dan leh Scheme ten upate chanpual tur tamtak a siam a, chungtiang an hmuh theihna kawnga harsatna an tawk a nih chuan, Legal Services Institution-ten tih tur pawimawh tak an nei a ni tih hi NALSA ngaihdan a ni.

 

4.5 The Legal Services Authorities Act, 1987 Preamble pawhin Legal Services Authorities chu khawtlanga mi hnuaihnung leh chanhaite nen inkungkaihin, an khawsak harsat vang maia an dikna leh chanpualte an chan mai loh nan puibawm turin a ti a. Legal Services Authorities Act, 1987 Section 4 (b) hnuaiah chuan, Central Authority i.e National Legal Services Authority chu he dan hnuaia Legal Services hmuh a nih theih nan Scheme tangkai tak siam turin a ti a. Chubakah Section 4 (1) hnuaiah chuan Central Authority chu legal literacy leh legal awareness programme-te mipui nawlpui zingah nei a, a bik taka khawtlanga mi hnuaihnung leh chan chhe zawkte chu an dikna leh chanvo a tam thei ang ber hrilh hre thin turin a ti bawk a.  Chutiang zel chuan, Section 7(c) hnuaiah chuan Legal Aid Programme siam te chu State Legal Services Authority mawhphurhna a nih thute kan hmu bawk. Dan leh administrative programme hrang hrang chungchanga zirtirna pek chu State Legal Services Authority mawhphurhna a ni.  

 

  1. NAME OF THE SCHEME

 

5.1 He Scheme hi “NALSA (Legal Services to Senior Citizens) Scheme 2016 tih a ni. He scheme-ah hian kum 60 chin chunglam chu senior citizens tih an ni.

 

5.2 Heng PLVs, Legal Services Clinics, Front Office, Panel Lawyers leh Retainer Lawyers tih awmzia chu, National Legal Services Authority (Free and Competent Legal Services) Regulations, 2010 leh National Legal Services Authority (Legal Sevices Clinics) Regulations, 2011 leh NALSA Scheme for Para Legal Volunteers (Revised) tea sawifiahna ang hi an ni.

 

  1. OBJECTIVES OF THE SCHEME

 

He scheme-in a tum tlangpui chu:

 

  1. Upate tan an dikna chanvo leh hamthatna tur tlangpui riruang siam.

 

  1. Legal Aid tihchangtluna, National, State, District leh khawtlang hruaitute hmaa din sak leh Legal Services Authorities Act, 1987 Section 12 hnuaia a thlawna dan lama puihna dawng thei upaten an chanvo an hmuh theih nan dan lama anmahni puihna leh an aiawha dinsaktu tur pek chungchangah national, state, district leh taluka level-ah nasa zawka hma lak.

 

  1. Sawrkar Scheme leh programme hrang hrangten upate hnen an thlen ngei theihna tura hma lak.

 

  1. Maintenance and Welfare of Parents and Senior Citizens Act, 2007 hnuaiah Authorities leh institutions heng Tribunlas leh Appellate Tribunals te din. Tin, old age home kum upate tan din a ni nual tawh bawk.

 

  1. District Legal Services Authorities, Taluka Legal Services Committees, panel lawyers, Para-Legal Volunteers, sikul naupang leh Legal Services Clinic te hmanga Dan leh Sawrkar scheme leh programme hrang hrang hnuaia upate dikna leh chanvo leh an chanpual te nasa taka hrilh hriat.

 

  1. Panel lawyers, Para-Legal Volunteers, volunteers in legal services clinic, government officers scheme hrang hrang kenkawh chungchanga thawktu te,  service provider, police personnel, NGO te tihhmasawn leh tihchak nan training, orientation leh sensitization programme buatsaih sak.

 

  1. Thuneitute hnena a dik tawk lohna lai thlen a nih theih nan leh siam that ngai laite siam that a nih theih nana thurawn pek theihna turin schems leh law te nasa taka zirchian. He Scheme-in a tum bulpui ber chu upate hian an nun hlim leh zahawm taka an hmana, an chanpual tur diktakte an hmuhna tura theihtawp chhuah hi a ni. 

 

  1. PLAN OF ACTION  

 

7.1 Establishment of Tribunals, Appellate Tribunals etc.

     Upate hian an dikna leh chanpual te tha taka an hmuh theih nan, institutionte hian nasa taka ngaihtuahna a hman a tul a ni.

 

  1. Maintenance and Welfare of Parents and Senior Citizens Act, 2007 Section 7 chuan maintenance order chungchang ngaihtuah turin sub-division tinah Tribunal pakhat emaw a aia tam emaw din turin a ti a. Section 15 pawhin District tinah Tribunal order an appeal chungchang lo ngaihtuah turin Appellate Tribunal din turin a ti bawk a. SLSA-te leh DLSA-te chuan danin a phut angin heng Tribunal leh Appellate Tribunal te din a nih theih nan State sawrkar nen hma an la ang. 

 

  1. Maintenance and Welfare of Parents and Senior Citizens Act, 2007 Section 19 chuan  State sawrkarin mahni intuamhlawmna tur nei zo lova a ngaih (indigent senior citizens) te tana Old Age Home din turin a ti a.  Heng miten an indaih zan tur Old Age Home dinna tur hian SLSA te leh DLSA te chuan hma an la ang. Corporate Social Responsibility hnuaia Old Age Home din a nih bawk theihna turin SLSA te leh DLSA te hian hma an la bawk ang. 

 

  1. SLSA te chuan heng Old Age Home-a awm upate hian enkawlna tha tak an dawngin an zahawmna te humhimsak an ni em tihte hre turin an tlawh thin tur a ni.

 

  1.  Legal Services Clinics

 

  1. Maintenance and Welfare of Parents and Senior Citizens Act, 2007 hnuaia din Tribunal leh Appellate Tribunal tinah leh Old Age Home-ah te Legal Services Clinics te a din bawk tur a ni.

 

  1. Tun dinhmunah chuan ukilte hi heng Tribunal-ah te hian an din khap ni mahse, upate tana dilna siamsak tur leh an mamawh dangah te pui turin trained Para-Legal Volunteer-te Legal Services Clinic-ah te an awm reng tur a ni.  

 

  1. Legal Aid Clinic hawn thu chu sawrkar hotute leh sawrkar department Police leh NGO hrang hrangte hnenah hrilh hriat tur a ni.

 

  1. Legal Services Clinic dinte hi an hnathawh, infrastructural facilities, record leh register vawndan te, PLV dah chungchang leh clinic enkawl dan tur chungchangah National Legal Services Authority (Legal Services Clinics), Regulations, 2011 angin an kal tur a ni.

 

  1.  SLSA te leh DLSA te chuan college leh university tea Legal Services Clinic-a thu zirlai naupangte chu old age home-te tlawha kum upate dan lama puibawm thin turin an fuih thin ang.

 

  1. Legal Services Clinic-te chuan nupui pasal sunte leh upaten an pension leh an chanpual tur an hmuh ngei theih nan hma an la ang.

 

7.3 Legal representation.

 

  1. Upate, Legal Services Authorities Act, 1987 Section 12 hnuaia dan lama puihna dawng thei zawng zawng chu puihna hi pek vek tur an ni a, ngaihpawimawh bik tur an ni.

 

  1. Legal Services Institution-te hi awlsam taka pan theih an ni tur a ni a; upate tana pan buaithlak a nih erawh chuan an tan awmze awm lo leh tangkai lo mai an ni thei a ni. Chutianga awlsam taka pan theih tur chuan Legal Services Instituition-te hi panna harsa lo lai inchhawng hnuai ber (ground floor) ah te dah tur a ni.

 

  1. SLSA-te chuan upate hian engti kawng mahin awm nawm lohna leh hrehawm tihna leh hauh leh hrawk an tawh lohna turin hma a la ang.

 

  1. District Legal Services Authority leh Taluka Legal Services Committee tinte chuan he scheme tihhlawhtlinna atan panel lawyer pathum tal Legal Service Officer atan an ruat ang.

 

  1. District Legal Services Authority-te chuan he scheme hi hlawhtling taka kalpui a nih theih nan PLV thahnem tak a ruat ang a, hemi tur atan hian trained PLV upate harsatna buaipui turin a ruat bawk ang. Hmeichhia leh mipa Upate zing atang pawhin PLV tura atana tuai hriam tur a zawng ve bawk ang.

 

  1. PLV-te hi khawtlanga upate, Legal Services Institution banpha ve lo leh Legal Services-te inkarah an thawk ang a. An dinhmunin a zir loh avanga Legal Services Institution thleng ve thei lote chu Legal Services Institution-te chuan panel lawyers leh PLV-te hmangin an tlawh chhuak zawk ang.

 

  1. Upate chungchang ngaipawimawh leh thiam zawka an buaipui theih nan SLSA chuan panel lawyer-te tan training a buatsaih thin ang. SLSA te chuan upate hnenah dan lama puihbawmna a tha thei ang ber pek tumin hma a la ang a, dan lama puihbawmna hlawkthlak tak upate chuan an lo dawng thei thin dawn a ni.

 

7.4 Identification of Issues affecting Senior Citizens.

 

  1. SLSA-te leh DLSA-te chuan khawi maw hmun laia upaten harsatna an neih thin laimu lian takte hmuh chhuah tumin an thawk ang a, a tul angin an bawhzui ang. Hmun hrang hrangah an harsatnate chu a inang lo thei hle ang a. Hmun thenkhata harsatnate chu in kal pawh harsatna niin hmun thenkhatah chuan an chenpui leh chhungkuaten khawpui leh ram danga an pemsan vangte pawh a ni ang. Hmun thenkhat khawi maw laiah chuan an hriselna that tawk loh vangte pawh a ni ngei ang.

 

  1. SLSA te leh DLSA te chuan heng harsatna (regional basis) te sut kian nan hian hma lain mithiamte an ruai ang a, hemi kawngah hian a kaihhnawih sawrkar agency te nen pawh an thawk ho vang.

 

  1. Upaten khawtlangah support an lo hmuh that zawk nan leh an rilruah chawmhlawm rilru putna a lo tlem zawk nan SLSA te leh DLSA te chuan self help group-te din turin hma an la ang. 

 

7.5 Database

 

  1. SLSA zawng zawngte chuan senior citizen chungchang ah, Central emaw State emaw schemes, policies, regulations hman mek atana database neiin, pamphlet emaw booklet emaw hmangin upate dikna leh chanvo inzirtirna atan te pawh a puangzar thin ang.

 

  1. SLSA-te leh DLSA-te chuan a mi chengte tawng (regional language) ngeiin mawlmang leh hriat thiam awl taka ziakin information booklet a tichhuak ang.

 

  1. Dan hnuaia chhawmdawlna (maintenance), thurochhiah chungchangte leh social welfare scheme chungchang te;

 

  1. Upate buaina sutkian dan chungchang kimchang takin;

 

  1. State chhunga anmahni tanpui theitu turte biak pawhna tur number (helpline numbers);

 

Heng information booklet-te hi upate hnenah sem niin awareness neih hunah te hman thin tur a ni.

 

  1. DLSA te pawhin damdawi in, medical centre leh facilities dang an chenna hmuna upate tana hman tangkai theih database an siam ang.

 

  1. Information DLSA ten an neihte hi Taluka Legal Services Committees, village panchayats, legal services clinic-ah te leh PLV hnenahte semkual ve tur a ni.

 

  1. SLSA te leh DLSA te chuan an data khawn khawmte chu an website-ah an pho lang bawk ang.

 

  1. DLSA te chuan senior citizens te awmna hmunah database a siam ang a, a tul hun apiangin upate puibawm turin PLV te a ruat thei ang. Upate himna a lo nih zawk theih nan chung database te chu law enforcement agency-te pawh an pe ve tur an ni. Hei vang hian a kaihhnawih department, heng, health department emaw police department emawte nena inthurualin DLSA te chuan a mamawhtute hnenah awlsam takin puihbawmna an pe nghal zung zung thei dawn a ni.

 

7.6 Implementation of Various Schemes

 

  1. SLSA te chuan ruahmanna hrang hrang policies, schemes, programmes chungchangte chu upate leh sawrkar hotute hnenah puan darh vat vat a nihna turin hma an la tur a ni.

 

  1. SLSA te chuan chung thute chu old age home-ah te, damdawi inah te leh upaten an tlawh fona hmunah te langsar tak leh hmuh mai theih turin an tar chhuak tur a ni.

 

  1. State hrang hrangte chuan upate sahimna atan special schemes entirnan, upate chhinchhiahna mumal tak, police station ah an nei tur a ni. SLSA te chuan dan leh thupek kenkawhna lama thuneitute nen tangrualin, upate sahimna leh police-te nen an in zawmna tichak turin regular takin kar khata vawikhat emaw kar hnih danah emawa tlawhin an be pawp rengin an thawhpui tur a ni. SLSA te, DLSA te chuan PLV te chu upate police station te nena register-na kawngah te, hnathawktute leh inluahtute verification leh thil danga puih an ngaihna apianga pui turin a dah ang.

 

  1. Upate dan lama puihna tih hian sawrkar scheme hrang hrang hnuaia an chanpual leh hamthatna hrilhhriat te, scheme hnuaia an hamthatna an hmuh ngei theih nana lehkha pawimawh ngaihtuahpui te, scheme hnuaia an hamthatna an hmuh teihna tur atana an mi hmuh tur hming leh awmna hmun kawhhmuh te,  chung an tana mi pawimawhte an hmuh theihna tura ofifice-ah te anmahni kalpui tura Para-Legal Volunteer tirh te pawh a huam a ni.

 

  1. SLSA te chuan Governmental bodies emaw functionaries emaw, non-governmental organization-te leh organization hrang hrang upate hamthatna lam khawih tute nen upaten scheme hrang hrang hnuaia hamthatnate an hmuh theih nan hmalakpuiin a thawhpui ang.

 

7.7 Awareness

 

  1. SLSA te chuan kum tinin upate dikna chanvo leh an mamawh lam hawiahte inzirtirna awareness programme a siam ang.

 

  1. Legal Services Institution-te chuan mipuiten kum upate mamawh an lo hriat thiam theih zel nan leh an lo ngaihpawimawh zel theih nan te, naupangte pawhin upate chu old age home-ah te hlamchhiah mai mai an nih loh nana enkawla ngaihsak chu an tihtur a nihziate an lo hriat chhuah chhoh zel nante inzirtirna awareness programme a buatsaih thin ang.

 

  1. Legal Services Institution-te hian upate hian zah tak leh hawihhawm taka enkawl an mamawhzia sawifiahin an puangzar thin ang.

 

  1. SLSA te leh DLSA te chuan, upaten dan hrang hrang leh sawrkar scheme hrang hrang hnuaia chanpual (entitlement) an neihte an lo hriat thar reng theih nan, inzirtirna awareness programme an buatsaih thin ang.

 

  1. SLSA te, DLSA te leh Taluka Legal Services Committee-te chuan upaten an chanpual (entitlement) te a nihna ang taka an lo hmuh theih nan an tan dan lama a thlawna puihna (legal services) a awm chungchangah nasa takin zirtirna an pe thin ang. 

 

  1. Old age home-ah te leh upaten an tlawh zinna hmun khawi laiah emaw Special Awareness neih thin niin, PLV leh zirlai naupangte pawh chu programme-a phur taka telve thin tura fuih phur tur an ni. 

 

  1. Awareness programme neihnaah hian DLSA te leh Taluka Legal Services Committee-te hian special health emaw check up camps emaw heng general health camps, eye check-up camps etc upate tan neih a nih theih nan department tangkaina nei health department-te thawhpuiin, upate special registration drive atan Police te pawh a thawhpui thin ang.

 

  1. Inzirtirna awareness a lo darh zau zelna tur atan theih zawng zawng, heng Doodarshan, All India Radio, private TV channel, thu tar (hoarding), cultural programme siam, sakhaw hunpui hman laia stall hawn te hi tih thin tur a ni.

 

  1. SLSA te chuan upate hnim hnaiin anmahni pawhin pawimawhna an neih an lo inhriatthiam ve zela an lo inngaihpawimawh thiam ve zel theih nante inzirtirna awareness programme hrang hrangah an chhawr tangkai thiam tur a ni.

 

 

7.8 Training and Orientation Programmes

Upate hi engang taka enkawl tur nge an nih tihte leh heti lam kawnga an theihna, hriatna leh thiamna te a lo pun belhchhah theihna tur atan SLSA chuan panel lawyer leh PLV-te tan training leh orientation programme a buatsaih ang. Sensitization programmes hi stakeholder dang heng Sawrkar mi leh sa, Police leh NGO-te tan pawh a siam bawk ang. 

 

7.9 Observance of the International Day for the Older Persons

Legal Services Institution zawng zawngte chuan kum tinin 1st October apiangin International Day for the Older Persons an hmang ang a, hemi ni denchhen hian upate dikna leh chanvo chungchangah inzirtirna awareness programme te an siam thin tur a ni.