Background
‘Central Authority’ an tih mai, the National Legal Services
Authority chu Legal Services Authority Act,1987 Section 4 (b) hnuaia
dan siam tawhte hman tangkai a nih theih nan mi zawng zawngin a
thlawna an hman theih tur scheme duang turin tih a ni a. The Legal
Services Authority Act, 1987-in a dah pawimawh em em chu, Legal
Services Authority te hi mi hnuaihnung zawkten sum leh pai dinhmun
vang emaw leh thil dang, rualbanlohna vang emawin an dikna rah
behsak an ni em tih finfiah hi a ni.
Mahni taksa hmanga ei zawngte chu, tihluihna vang a ni emaw,
anmahni duhthu a ni emaw, enhran an ni hrim hrim a. An dikna
chanvo ngaihthahsak an ni a, tuman eng khawkhaah mah an ngai lo
va, engnge an dinhmun tih leh an fate engtin nge an awm tih pawh tu
ngaihsak mah an hlawh lo. Chuti chung chuan heng mite hian sawkar
scheme hnuaiah hamthatna an hmu thei ve tho a ni.
Sumdawnna atana taksa hman luihtirte hian an tihluih tir lai
chauh pawh ni lo, chhanchhuah an nih thlengin hliam na tak an tuar
thin. Hengho hi tihluih tirtute leh an case ngaihtuah chhunzawmsak
duh lotute laka venhim an mamawh a ni. An khawsak kawngah kawng
dang ngaihtuah sak an nih loh chuan, bumna ngaia bum leh theihna
a sang a ni.
PRAJWALA in a case thehluh Writ Petition (C) No. 56 of 2004-
ah chuan NALSA-in Supreme Court-ah heng, sex hmanga sumdawnna
tuartute leh a thawktute chunga hma lak hi an hna a nih thu a report.
10
Legal Services Authority-te hna chu report hmasaa a sawi tawh
angin -
(a) Bumna tuartute leh mahni taksa hmanga eizawng tura chhawrte
chhanchhuah leh a hnu zela dan lama puihna pek.
(b) Cr.PC hnuaia Section 357A hmangin District Legal Services
Authority atanga victim compensation hmu thei tura tanpui.
(c) Mahni taksa hmanga eizawng tura chhawrte leh bumna tawk
chhanchhuahte tana siam rehabilitation awmah endik hna thawh
a, social auditor anga awm tur.
(d) DLSA – te chuan inbumna chungchangah panel lawyer-te leh
para-legal volunteers te hmangin khawtlangah awareness an
thehdarh thei.
(e) DLSA-te chu thu kal lam haw lam dawngtu an niin sawrkarin
scheme hrang hrang, a dawngtu turte hnenah an pe ngei em
tih leh, bumna tuartute hnenah chhawmdawlna an pe em tih
fiah tur a ni.
(f) Bumna tuartute chhawmdawl dan ngaihtuahpui bakah CSR
head hnuaiah an thiam thilte haichhuah puia hna pek dan
turte ngaihtuahpui tur a ni.
(g) SLSA-te hian stakeholder te entirnan police, ukil (legal services
ukilte huamin), prosecutor, sawkar hnathawk te leh dan lam
hremi te training pek leh sensitization lamah a pui thei bawk.
(h) SLSA-te chu zirna in leh civil society organization te leh NGO,
hetiang lama thawkte nen an thawk ho thei bawk.
NALSA chuan Supreme Court-a hnathawh a sawite tihlawhtling
turin legal services authority hrang hrangte chu scheme duang turin
thurawn a pe a. Chu thupek ang chuan he Scheme hi siam a lo ni ta a
ni. Legal Services Authority-te hian eng kawng zawng pawhin he
scheme hmang hian tanpui ngaite chu a pui thei dawn a ni.
11
Name of the Scheme
Scheme hming atan chuan “NALSA (Victims of Trafficking
and Commercial Sexual Exploitation) Scheme, 2015” vuah a ni.
He Scheme thil tum chu bumna tuartu hmeichhia, kum engzat
pawh, venhim, chhanchhuah leh an dinhmun siamthatsak kawnga
dan hmanga tanpuina pek a ni.
He scheme-in bawhzui a tum ber chu heng mite hian vantlang
zinga an tel ve theihna tura mi pangngai dawn ang dawng thei tura
tanpui hi a ni. Legal Services Authorities te hna thawh tur chu a
tuartute hian midangte ang thova fundamental right an neih avangin
an zahawmna venhimsak a ni.
Mahni duhthua inzuarte hi legal services authority-te tanpuina
pek atanga paih an nih loh nan, sumdawnna atana rawih luihte ang
thova dan lama puihna pek tur an ni.
Strategy for the Legal Services to the victims
Kil tin atanga tanpuina pek hi legal services kalphung a ni a.
Chuvangin, naupang, rawlthar/tleirawl, a hmei a pain, hmeichhe
naupang leh upate chu ruahmanna siam zingah an tel ngei ngei tur a
ni a. Legal services authority-in ruahmanna a siamah venhimnaah te,
chhanchhuahnaah te leh insiamthatna kawngah te hma lak dan tur a
tel ngei tur a ni a, hengho zinga mite hi engmah a hmaih thiang lo.
Chu bakah, Legal Services Authority-te chuan case an neih thinte chu
ziaka dah that leh kum thum chhung tal hma lakpui a, khawtlanga an
chanvo pumpui an hmuh let leh theih nana tanpui hi a thil tum a ni.
He ruahmanna a siamah hian tuna Central sawrkar leh State
sawrkarin mipuite tana hamthatna a siamte tichak turin mipuite
venhimna, khawtlang hmasawnna leh hamthatna an hmuh theih nana
bumna an tawh leh siamthat an nih theih nana a tuartute tanpui hi a
tum a ni a. District Legal Services Authority (DLSA) hian NGO’s/CBO’s
te puihna dilin ruahmanna leh he scheme-te tihlawhtling tura zawn
chhuah leh a hnua tanpuina pe turin a pui thei. A tuartu emaw
12
khawtlang emaw zirtir leh fuiha hma an lak dan turte hrilh hriat hi a
tihtur a ni.
DLSA-te leh a changtu department puihnain scheme tinte leh
a kalhmangte tihlawhtling tura tanpuina diltute tanpui hi a tum a ni
a. Hei hian scheme hnuaia hamthatna hmu thei tura lehkha
pawimawhte leh residential certificate, Birth certificate, nativity
certificate, income certificate leh a dangte hmu chhuak leh turin hma
a lakpui thei reng a. Thil tih fel ngai zawng zawngte tih zawh a nih
hnuah leh scheme hmanga tanpuina pek chhuah a nih theih hnuah,
DLSA chuan hamthatna hmutu turte kut a thlen hma chu a buaipui
char char tur a ni.
The Available Schemes (Scheme awm theite)
1. ICDS emaw Childcare development – kum 0-6 inkar, nu naupai
leh nu nau hnute pe lai tan.
2. Food security emaw ration card-te.
3. Social security emaw Hmeichhe kum upate emaw tan tar
chawmna.
4. Educational schemes hrang hrang midday meal, bridge school,
Sarva Shiksha Abhiyan te, residential school, Sabala; Social
Welfare Department atanga Primary, Secondary leh Higher zirlai
tleirawlte tana scholarship, a bik takin hmeichhiate tan.
5. Khawsakna atan - Skill Development, Financial, SC/ST/BC/
Minority atangin Micro Enterprise leh Women Development
6. Urban Development, Housing Corporation atangin insakna atan
leh ram patta tana subsidy.
7. Jan Dhan, Aadhar, Voter Card, SHG atan member nih nghal
theihna.
8. Legal aid Schemes - Legal Literacy, Para Legal Volunteers, a
13
thlawnin legal aid leh venhimna pek a ni em tih finfiahna tan
Legal services clinic-te.
Roles of LSAs
SLSA/DLSA-te hnathawh pawimawh em em chu midangte thil
hmuh hmaih siamthat hi a ni. Scheme zawng zawng chu District
Collector kutah awm mahse SLSA leh DLSA-ten venhimna hna an
thawk ang. Scheme huam zinga hmeichhiate venhimna hna leh HIV
laka invennate, hmeichhia leh naupangte bumna leh kut tuarna laka
venhimna hna a taka thawktute a enpui bawk ang. Kan sawi tak ang
hian, SLSA/DLSA-te hnathawh tur chu :
Inzawmna siam - Department zawng zawng leh bum tawk hmeichhiate,
hmeichhia mahni taksa hmanga eizawngte leh bum tawk mai thei leh
kut tuar nasate inkarah inzawmna siamthat.
Enhancing Engagement - DLSA –in scheme chungchang inzirtirna a
pekah hian Khawtlang hruaitute leh member te, sawrkar department
te nen tang tlanga neih thin.
Chanvo leh neitu nihna remchang siam- DLSA leh khawtlang pawl
tangkawpten vantlang inkhawm leh camp-ah te chanvo leh neitu nihna
remchang siamsak.
Inhrilhhriat – Department zawng zawng leh Zirna Inah khawtlang
inrelbawl dan zirtir a, ngaihdan dik lo te paih sak.
Mawhphurhna tih ngheh - Management Information System (MIS)
hmangin scheme hmu theitute tih chian.
Thawhhona tha - A hmasa berah chuan khawtlang pawl ho leh NGO,
nawhchizuar leh mi bum tuartu leh mahni taksa hmanga ei zawn
tirte tana thawk thinte nena thawhho tur a ni. Anniho hian khawtlanga
hetiang mite zawn chhuah hna thawhna kawngah leh hmalakna
kawngah tanpuina an pe thei dawn a ni.
14
Thawhhona laihawlah chuan, thawhhona chu district-a roreltu,
entirnan - Department of Women and Child Development (a bik takin
Child Protection/Welfare Committee-te leh Anti Human Trafficking
Unit) leh DLSA-te nen neih tur a ni. Hei hian khawtlang emaw
hamthatna dawngtute dinhmun tlangpui a tarlang thei ang.
Thawhhona pui ber atan chuan mi zawng zawng huap thei turin
inbumna tuartute tana Scheme hrang hrang leh chhanchhuahte tana
shelter home nei Department of Women and Child te nen a ni ang a,
inbumna tuartute laka invenna hna thawk thintu Ministry of Home
Affairs, Ministry of Social Justice and Empowerment, leh Rural
Livelihood Mission-te nena thawhho hian venhimna kawngah a tichak
ang a, hamthatna dawngtute tan pawh a him dawn a ni.
Action Plan
DLSA hmalakna tur hmasa ber chu, Non Governmental
Organisation leh Community Based Organisations (CBOs) hnathawhna
hmuna thawkte zawn chhuah hi a ni. Hemi ti tur hian, SLSA-ten
UNICEF emaw UNODC emaw a be pawp tur a ni. State Agencies entirna
Department of Women and Child, Rural Livelihood Mission, National
Aids Control Society (NACO) leh State and District Aids Control
Societies (SACS & DACS)-te puihna pawh lak tur a ni. Tichuan, SLSAs/
DLSAs chuan inbumna leh nawhchizawrh chungchang a hriat theih
dawn a ni.
Hmalakna tur dawt leh chu, State leh District chhunga
department-te thawkhovin, chung department leh stakeholders atang
chuan report dawn thin a ni ang a, anni nen pawh thawhhona tha tak
neih zel theih a ni ang.
Trafficking : Inbumna lam bikah chuan, State chhunga Anti Human
Trafficking Units leh NGO/CBO-te puihnain DLSA chuan an huam
chhunga a hluarna lai leh tamna lai zawn chhuah tur a ni. Tichuan,
invenna a kalpui theih ang. He thil hi scheme chungchang thehdarhna
atan leh bum tawk awlsam ten scheme an hlawkpui theihna atan
inzawmtir theih a ni ang. Hei hi dan lam leh mi bumtute thil ruahman
15
dan inzirtirna a ni bawk. Naupang leh tleirawlte chu hmelhriat ngai
loh nena thiana insiam hlauhawmzia leh an chhungte hnenah mi
hrangin an fate hmun danga lehkha zirtir tura intiam derte laka
fimkhur zirtir a pawimawh. Chutiang bawkin puitling, la naupang
deuhte pawh heng hna leh khawsak nuam zawk atana intiam derte
laka fimkhur tura hrilhhriat a ngai a ni.
SLSA/DLSA ten sawrkar scheme siam hrang hranga awareness
theh darh turin panel lawyer leh social worker team siam nise. Scheme
hrang hrang hmu tur ten an hmuh ngei theih nan lehkha pawimawhte
an lakhawm ngei em tih chian nan PLV ten an finfiah ang. A tul dan
azirin DLSA ten scheme chungchanga a hotute, District Collector emaw
Chief Secretary-te kawm nan PLV-te leh an office-te an tir ang.
Supreme Court order angin naupang bo chungchanga police
station-a PLV dahte chu SLSA/DLSA ten naupang chungchangah leh
inbumna chungchangah a bikin training an pe ang, mawhphurtu an
nih theihna turin. Hetiang inbumna lam report a awm emaw
nawhchizuar lam police station-a man an nih emaw chuan PLV-ten
SLSA/DLSA-te an hrilh hre vat tur a ni.
Sex Worker : Khawtlang thil mamawh hriatna tha ber chu Member
Secretary, SLSA emaw, Full Time Secretary, DLSA emaw leh
khawtlanga hruaitu, hmeithai leh tar chawmna, social security scheme
hnuaia tanpuina hmu thei ten harsatna an tawh dan sawi chiang
theitute inkara inhmuhkhawmna buatsaih hi a ni.
Tih dan tur dang leh chu, mipuiten an ‘harsatna’ emaw sawrkar
rorel dan chungchanga an thil tawn emaw sawi chhuahna tur vantlang
inkhawm buatsaihsak a ni. ‘Rorelna’ (jury)-ah chuan DLSA
Chairperson emaw Full Time Secretary emaw, a theih chuan judicial
officer tuemaw te, sawrkara hna sang chelh entirnan, DC, Principal
Secretary emaw Chief Secretary emaw, police officer-te leh protection
officer-te an awm tur a ni. Hetiang hun buatsaihnaah hian SLSA/
DLSA ten senior advocate-te leh panel lawyer-te an teltir ve tur a ni.
16
An thusawite ngaihthlak a nih zawh hnuah case azirin Member
Secretary/Secretary-in emaw, panel advocate-in emaw vantlang
zingah Legal Services Authority chungchang leh an harsatna neihte
an sawi theihna turin fuiha an dikna chanvo hlamchhiah sak an ni
emaw, ro chungchang leh thildanga harsatna an nei emaw a nih chuan
a thlawna dan hmanga tanpui theih an nih thu hrilh tur a ni. Legal
Services Authority chuan target group-ten an nitin khawsak kawngah
tihduhdahna leh zar buai an nihnaah siamthat hna an thawk thei a ni.
An kawppuite emaw pasalte emaw atanga kut an tuar chuan, DLSA leh
Protection Officer ten dan lama tanpuina leh counseling an pe ang.
DLSA-ten khawtlang atangin Para Legal Volunteers tur thlangin
NALSA module angin training an pe thei ang. PLV-te hi khawtlang
leh Authority inkara palai hna thawktu tur an ni ang. Mi zawng zawng
huap thei turin District-a Block zawng zawng leh State pum huap
aiawh tur an ni.
Sawi tawh angin DLSA-te chu sawrkarin mipuite tana hamthatna
tur scheme hrang hrangte chu khawtlangin an mamawh dan leh hman
dan tur chhut pui tur a ni.
Prevention : Sawrkarin mipuite hamthatna atana scheme a duante
finfiah laiin, SLSA/DLSA chuan Integrated Child Protection Scheme
hnuaia duan sa, a bik takin Village Level Child Protection Committees
(VLCPC) din tawhte a ngaihven tur a ni. Heng Committee-ah te hian
khawtlang atangin Panchayat member-te, School zirtirtute, zirlai
naupang leh nu leh pate an tel a. Khawchhunga naupangte enkawlna
atan VLCPC tan special awareness programme buatsaih tur a ni.
Naupang bo chungchangah naupangte chu an enkawl theihna turin
zirtirtute chu zirtirna pek a, an himna atan chhui zel theih nan an
report tur a ni.
Hetiang awareness leh inzirtirna programme hi Anganwadi leh
Health worker-te zingah naupang zawkte leh hmeichhe tleirawlte tan
buatsaih thin tur a ni. Tin, SLSA/DLSA ten inzitirna hmuna naupang
kal ngai lote chu bawhzui an ni em tih leh an chinchang hriattir a ni
em tih an chian ang.
17
VLCPC –te leh Anganwadi atanga PLV tur ruatte leh zirtirtute
chu inbumna lam leh mipat hmeichhiatna lama innghaisakna lam
hawiah training pek tur an ni. Heng PLV-te hnathawh hi uluk taka
endikna neih tur a ni. Chumi rualin heng PLV-te hian SLSA/DLSAah
thil thleng kimchang taka an report theih nan zilhtu fing leh
thlawpna an mamawh.
Student Legal Literacy Club-te chu inbumna chungchang ziak,
sawi leh sawiho tura fuih thin tur a ni. Heng club-te hi than chhoh zelna
kawngah leh mahni invenna kawngah zirtirtu an ni thei dawn a ni.
SLSA/DLSA ten naupang nupui/pasal neih chungchang
venhim hna thawktute leh hmeichhe chawikanna lama thawkte chu
an tichak leh zual tur a ni. Naupang leh pasal neih luih tirte hi mipat
hmeichhiatna lam hawia bum chhuah an awl thin a. Awareness theh
darh mai bakah inbum awlna hmuna naupang inneihtir an awm thu
leh an lo inven dan report thin turin sikul naupang rual (pawl) siam
tur a ni.
Nawhchizawrhna kawnga inhnamhnawih tawh hmeichhia te
nena inbiak lai hian, SLSA/DLSA ten hetianga an awm chhan te
ngaihven se, tichuan, an fate hetianga an awm ve lohna tura ven dan
zawn tur a ni. Nuhote chu an sum neih angte khawla sumdawnna
lama mipuite hriat an hlawh theihna tur kawng dap tura fuih tur a ni
a. SLSA/DLSA ten nuho chu nghaisak an nih thinna atanga venghimin
court case an neihna kal zelah dan lama tanpuina pek tur a ni. Sawrkar
scheme hrang hrangte hmang ve thei tura puih tur a ni.
Rural Livelihood Missions ten inbumna tuartute ven dan leh
humhimna an ruahman hi ngaihvena zir chian tur a ni a. Tichuan, an
tihdan kalhmang hlawhtling takte atangin ruahmanna a siam theih
dawn a ni.
Rescue and Rehabilitation : Inbumna lak atanga chhanchhuahte tan
One Stop Crisis Centre hi a awm ngei ngei tur a ni. Supreme Court-in
Prajwala case-a a thupek zawm mai bakah, SLSA/DLSA chuan
inbumna tuartute enkawlna an bawhzui ang, a bikin, khawsakna
mumal tak an neih theihna atan sawrkar scheme te pek dan
18
ngaihtuahpui tur a ni. DLSA chuan panel lawyer leh PLV ten inbumna
tuartute FIR ziak lut turin an pui em tih leh bail chungchang leh
thildangah an tel ve em tih a chian ang. Panel lawyer-te chu a tul dan
azirin hriatpuitute humna atan leh inbumna tuartute thurawn pekna
atan court order an la ang a, a tuartute statement lo ziak lut turin an
thubuai ngaihtuah laiin an awm ve ang. Panel lawyer leh PLV-ten a
tuartute chu DLSA-ah Victim Compensation Scheme hnuaia
zangnadawmna dil turin an pui ang a, heng tuartute siamthatna atana
sawrkar scheme hrang hrangte dawng ve thei turin an pui bawk ang.
Management Information Systems : SLSA leh DLSA te chuan he
scheme hnuaia thil hrang hrangte chu an ziah luh, bawhzui leh hman
zel theihna atan MIS tha tak an kalpui tur a ni. Chumi rualin, PLV-te
leh Panel lawyer-ten a tuartute an puihna chu ziak lutin Secretary,
DLSA ten uluk takin an endik ang. DLSA ten enkawlna an peknaah
chuan, an siam tha ngei em tih leh bumna tuar leh a hlauhawm tawh
lo a ni tihchian nan kum thum tal an endik ang.
Transgender: He scheme hi Transgender zawng zawng tan pawh hman
theih tura duan a ni.
