NALSA (Legal Services to the Mentally Ill and Mentally Disabled Persons) Scheme, 2015
BACKGROUND
Rualbanlo, a bik takin rilru lama harsatna nei leh mi dang pawl pha lo, entirnan - rilru lama mi ang lote hi thuneitute ngaihsak hlawh an ni ngai lo fo. En hran niin State leh khawtlangin a bik takin venhim ngai anga en thin an ni. India hi UN Convention ‘Rights of Persons with Disability (CRPD) 2008’ tihah pawh hming sign-tu zingah a tel ve a, kan ramin he convention a pawm ve avangin, kan dan hman laiah pawh an dikna chanvo zalen takin an hmang thei em tih leh mi dangte pha chiah lo (rilru kim lo leh rilru lama harsatna telin) ten mi dang ang thova en an hlawh em tih enfiah leh, dan hmaah mi dang ang thova hriat leh pek an ni em tih enfiah tur a ni. Convention hian, rualbanlote pawhin mi dang ang thoin dan an hmang em tih enfiah turin min duh a ni.
Legal Services Authorities Act, 1987 Section 12 hnuaiah hian Section 2 clause (i) of Persons With Disabilities (Equal Opportunities, Protection of Rights and Full Participation) Act, 1995-a rualbanlo tia a sawite leh Section 2 clause (q) of Mental Health Act, 1987-a psychiatric hospital emaw psychiatric nursing home-a awm emaw a sawite hian a thlawnin dan lama tanpuina an dawng thei a ni. Hei vang hian rilru lam harsatna neiten tangkai zawka dan lama puihna an hmuh theih nan kum 2010 khan NALSA-in scheme a duang a, Legal Services Authorities Act, 1987-a Section 4 (b) hnuaiah a dah nghe nghe a ni.
Scheme hi kum 2010-a tan chauh ni mah se, State zawng zawnga kalpui dan report dawn atanga a lan dan chuan State Legal Services Authorities/Legal Services Institution ten heng miten rorelna dik an hmuh theihna atana tanpuina pek kawngah scheme hi ennawn leh ngaiin a lang a. Heng mite tana thawh chhuah vat hi a tul a ni. A lan danah chuan SLSA ten a pantute chauh an ngaihtuah niin a lang a. Court kaihhnawih thil dang tam tak thawh tur a la awm bawk.
He scheme thar, rilru lam harsatna nei leh rilru kim lo tana tih hi “NALSA (Legal Services to the Mentally Ill and Mentally Disabled Persons) Scheme, 2015’’ tia vuah a ni.
OBJECTIVES
He scheme hian Legal Services Institutions (State Legal Services Authorities, District Legal Services Authorities, Taluk Legal Services Committees, High Court Legal Services Committees, Supreme Court Legal Services Committee) te hnena rilru lam harsatna neite dan lama puihna an pekna atan kaihhruaina thar siam chu a huam a. A thiltum chu, rilru natna nei emaw rilru lama rualbanlote emaw en hran an ni em tih leh mi dang ang thoin danin a tiam angin an dikna chanvo hmu thei tura tanpui an ni em tih enfiah te a ni.
PLV, Legal Services Clinics, Front Office, Panel Lawyers leh Retainer Lawyers tihte hi National Legal Services Authority (Free and Competent Legal Services) Regulations, 2010 leh National Legal Services Authority (Legal Services Clinics) Regulation, 2011 leh the NALSA Schemes for Para Legal Volunteers (Revised) leh Module for the Orientation – Induction- Refresher Courses for PLV Training a sawite nen a in ang a ni.
PART-I:
PRINCIPLES
Rilru natna neite emaw rilru lama rualbanlo emaw buaipui laiin Legal Services Institutions ten a hnuai a mite hi hriatreng tur a ni :-
- Rilru natna hi tihdam theih a ni – Legal Services Institutions ten rilru natna hi damdawi leh enkawlna dang hmangin a tihdam theih a ni tih hi an hre reng tur a ni.
- Rilru lama rualbanlote hi rilru natna nei an ni kher lo – Rilru lama rualbanlote chu rilru than zelna kawngah diklohna an nei a ni. Mental Retardation (MR) hi kumkhaw daih niin tihdam theih a ni tawh lo va. Chutiang bawkin Autism leh Cerebral Palsy te pawh. Chuvangin, the Persons with disabilities (Equal Opportunities, Protection of Rights and Full Participation) Act, 1995 (PWD Act) Section 2 hnuaiah heng mite hi rualbanloa ngaih an ni. Rilru lama rualbanlote tana dan siamte chu (i) Persons with Disability Act, 1995 leh; (ii) National Trust for the Welfare of Persons with Autism, Cerebral Palsy Mental Retardation and Multiple Disabilities Act, 1999 te a ni.
- Rilru lama natna nei leh rilru lama rualbanlo ten mimal dikna chanvo leh mimal zalenna an hmang thei – Rilru lama harsatna nei leh rilru lama rualbanlote tan a thlawna dan lam tanpuina pek chungchangah hian anmahni chawi kan, ven him leh mimal dikna chanvo leh mimal zalenna an hmang em tih enfiah hi legal services institutions-te mawhphurhna a ni.
- Rilru natna neite leh rilru lama rualbanlotea zahawmna inphumte zahsak- Legal services Institutions ten rilru lama harsatna neite leh rilru lama rualbanlotea zahawmna inphumte zahsakin, anmahni inrelbawlna kawngahte an chawisang ang.
- Thliar hran loh - Legal services institutions-ten rilru lama harsatna neite leh rilru lama rualbanlote chu an dinhmun avangin an thliar hrang tur a ni lo. Duat tak leh zaidam taka buaipui zawk tur an ni.
- Ngaihhnathiamna : Rilru natna neite emaw rilru lama rualbanlo ten scheme, programme, facility leh tanpuina pek thinte inang tlanga an hmuh theihna turin legal services institutions-ten hma an la ang.
- Rilru lama harsatna nei inenkawlna tura dikna chanvo – India Constitution Article 21 atanga lak chhuah inenkawlna leh hriselna lam enkawlna atana dikna chanvo tih hi rilru lama harsatna neite tan pawha hman theih a ni. Chinchang hriat loh vangte emaw, puithuna atthlak vangte emaw, hmanrua emaw, inthliar hranna emaw vangtein rilru natna neiten enkawlna an dawng lo thin a. Chuvangin, Mental Health Act, 1987 Chapter-IV angin heng rilru lama harsatna neiten psychiatric hospital emaw psychiatric nursing home-ah emaw enkawlna an dawng em tih legal services institution ten an enfiah ang.
- Enkawlna remtihna – Rilru natna neite enkawl an nih dawnin an remtihna lak hmasak a ni em tih legal services institution ten an enfiah ang. Remtihna pe thei dinhmunah a ding lo a nih chuan a chhungte emaw a thiante emaw remtihpuina lak ni se, an awm lo a nih chuan Mental Health Act, 1987 Part II Chapter V hnuaia mi angin court lungawina anga tihtur a ni.
- Rilru lama buaina neite tihduhdahna leh chhawrluihna laka venna – Rilru lama buaina neite, a bik takin hmeichhiate hian tihduhdahna an tuar nasa bik a. Chuvangin, legal services institutionte chuan, heng, rilru lama buaina neite tihduhdahna leh mipat hmeichhiatna kawnga chhawr tawkte chu an tanpui ang a, a tiduhdah tute leh a chhawrluitute chungah action an la ang. Legal services institution ten tanpuina pein tiduhdahtu leh chhawrtute chungah action an la ang.
- An dinhmun avang hian rilru natna leh rilru lama harsatna neiten an thil hriat tawh sa pawh an hmang tangkai thei lo thin. Dan lam bel tur pawhin an hrilh hriat theih loh thin a ni. Chuvangin, legal services institution ten mimalin emaw a huhoin emaw dan lama an theih chin leh mamawhte an ngaihtuahsak ang.
PART-II
LEGAL SERVICES TO THE MENTALLY ILL AND MENTALLY DISABLED PERSONS IN PSYCHIATRIC HOMES, HOSPITALS AND OTHER SIMILAR FACILITIES AND JAILS.
Rilru natna nei leh rilru lama buaina neite chu “non-criminal lunatics” tih hmangin jail-ah te dah thin an ni. Sheela Barsa Vs. Union of India and others (Criminal Petition No.237/1989) case-a Supreme Court thuchhuakah chuan rilru lama buaina neite jail-a dah hi dan phal loh a ni. Supreme Court thuchhuak dang lehah chuan rilru lama harsatna neite hi Executive Magistrate ni lo, Judicial Magistrate chauhin an inenkawlna atan hmun him zawka thawn turin thuneihna a nei a ti leh a. Judicial Magistrate-te pawhin hetiang thil an tih hmain mi thiam emaw rilru lam doctor te emaw rawn hmasak tur a ni. Supreme Court thupek angin Judicial Magistrate-te pawhin case an en fel zat leh hmun him zawka an thawn zatte leh an hmalakna te, kum khatah vawi li tal High Court-ah report tura tih an ni.
Supreme Court chuan chutiang case record an ziah luh zawng zawng chu High Court-ah thlenin, High Court chu, chutiang case an dawnte chu an hnuaia Legal Services Committee-in thubuai an thehluh PIL anga ngaia lo chhinchhiah fel turin a ti a, High Court Legal Services Committee hian Supreme Court leh High Court order-te zawm a nih leh nih loh thuah High Court hi a pui thin ang.
Jail-ah:
● Supreme Court thuchhuak angin High Court-ah Public Interest Litigation ziah luh a ni em tih leh hemi chungchang khawih tur bik hian Judge pakhat ruat a ni em tih SLSA ten an enfiah ang.
● SLSA te chuan State Mental Health Authority (SMHA) emaw team dang emaw, High Court-in a din emaw a puihnain emaw a thupek angin emaw, jail chhungah chutiang rilru lam natna nei leh rilru lama buaina nei an awm leh awm loh hre turin jail an endik thin ang a, an awm a nih chuan sawn chhuah dan tur leh enkawl dan torah High Court thurawn an la ang.
● SLSA ten SMHA nen tangkawpin psychiatrist/psychologist/cousellor team dinin, jail tangte rilru lam hriselna dinhmun an en ang. Team-te mamawh dan azirin SLSA te chuan psychologist emaw psychiatrist emaw hnenah jail tangte hnena enkawlna pek dan tur an hrilh ang.
● Supreme Court thu angin Judicial Magistrate ten High Court-ah case an en fel zat leh hmun him zawka an thawn zat leh an hma lak dan quarterly report (kum khatah vawi li tal) report an pe thin ang. Heng report zawng zawng hi Judicial Magistrate ten SLSA hnenah an pe ang a, anni’n quarterly report chu Hon’ble Judge hnenah thawnin, a tul dan azirin kal zel dan tur thurawn an la ang. SLSA ten an thurawn leh kal dan tur thu an hmuh apiangte chu DLSA/TLSA hnenah zawm ngei turin an hriattir ang a, Hon’ble Judge thurawn leh kal zel dan tur hrilh ang zawm lote chu tarlan thin tur a ni.
Psychiatrist hospital, home leh inenkawlna hmun dangah
● SLSA te chuan High Court hnenah he Dan Section-37 hnuaia psychiatric hospital, home leh hetiang lam enkawlna hmun, mimal emaw state sawrkar enkawl emawte tan board of vistor din turin an dil tur a ni a, chutah chuan Member Secretary/Full Time Secretary, SLSA/DLSA-te chu member an ni bawk ang. Board of visitorten heng inenkawlna hmun, home emaw damdawi in emaw enkawl laite dinhmun thlithlai turin a tam thei ang ber an tlawh tur a ni.
● SLSA/Board of visitor ten heng damdawi in, home leh inenkawlna hmuna awmte zingah dam tawh si, mahse an chhungten an lak let duh tawh loh emaw, chhungte be tlang thei lo emaw an awm leh awm loh an ennawn ang. SLSA/DLSA emaw Board of Visitor emawten hetiang hi an hmu a nih chuan hma an la ang, enkawl dam tawhte an chhungte hnena an awm let leh theih nan dan lama puitu tur a tul anga pek tur a ni.
● Legal services institution ten psychiatric hospital emaw home emaw inenkawlna hmun dang emaw an tlawh laiin, doctor leh staff te nen sawihoin enkawl lai zingah tihluihnaa dah luh an awm leh awm loh zawh tur a ni. Tihluihna avanga dah luh an awm a nih chuan, psychiatric hospital emaw home emaw inenkawlna hmun atanga chhuak thei tura tanpuina pek tur a ni.
● SLSA/DLSA ten Psychiatric hospital, home leh inenkawlna hmun dangahte Legal Services Clinic dinin rilru lama natna leh rilru lama buaina neite leh an chhungte hnenah rilru natna leh buaina chungchangah dan lama puihna an pe ang.
● Heng legal clinic-te hi Para Legal Volunteers leh Panel Lawyer, hetiang lama chinchang hriain enkawl tur a ni.
● Rilru lama harsatna/buaina neite tan a remchan zawk nan doctor, nurse leh para medical staff/administrative staff-te chu para legal volunteers atan training pek ni se, tichuan, anniho hian awlsam takin an pui thei ang.
● Clinic-te hian rilru natna nei leh rilru lama buaina neite enkawlna hmunten hmanraw kimchang an nei em tih enfiah tur a ni, themthiamna lam leh nundan kawng zirtirna leh eizawnna lam thil huamin. Heng hmanruate nei tur hian legal services ten sawrkar an dawr ang a, a tul dan azirin thu pe turin High Court-ah pawh an thlen thei ang.
● “National Trust For Welfare of Autism, Cerebral Palsy, Mental Retardation and Multiple Disabilities Act, 1999” hnuaia hamthatna te an hmuh theih nan Legal Services Institution ten rilru lama buaina neite chu the National Trust for Welfare of Persons with Autism, Cerebral Palsy, Mental retardation and Multiple Disabilities nen an thlun zawm tur a ni.
● Legal Services Institution ten PLV-te kal tlangin rilru lama harsatna neite leh an chhungkhat lainate hming leh an chenna hmun record-a awm lote chu, para medical staff/administrative staff leh doctor-te atanga zawng chhuakin legal services institution hrang hrangte kaltlangin heng damlo enkawl mekte hi an chhungkhat lainate nen inhmukhawmtir tura hmalak tur a ni.
● Chutiang mi enkawl lai, mahni khua leh in atanga inenkawlna hmun hla taka dahte chu hmun hnai zawka dah turin dan hmangin puihna pek tur a ni a, he puihna hi SLSA leh DLSA ten an ti ang.
LEGAL SERVICES TO THE MENTALLY ILL AND MENTALLY DISABLED PERSONS
WHO ARE WANDERING, HOMELESS AND DESTITUTES
Mental Health Act, 1987, Section 23 hnuaia mi angin Police Station-a Officer-in-Charge ten an bial chhunga rilru lama natna leh buaina nei tlan bo emaw, vakvai emaw beidawng emawte chu magistrate hmaah, section 24 anga psychiatric hospital-ah emaw psychiatric nursing home-ah emaw enkawl tura dah turin an hruai ang.
Chutiang bawkin, Section 25-na angin police officer emaw mimal emaw-in rilru lama harsatna neite an chhungkhatten an enkawl tha lo leh veng lo emaw tiduhdah emaw endawng nia an hriat chuan magistrate hnenah an report thei ang. Magistrate-in thutlukna siamin a thlahthlamtu chu pawisa a chawitir thei bawk.
Rilru lama buaina nei, chenna tur neilo emaw thlahthlam chungchangah chuan the National Trust For the Welfare of Persons with Autism, Cerebral Palsy Mental Retardation and Multiple Disabilities Act, 1999 leh danin a sawi angin Local Level Committee hnena thlen tur a ni. Local Level Committee ten heng chenna tur nei lo leh thlahthlamte enkawl zel dan tur kawng an zawng ang.
Legal services institution-te hmalak dan tur
● Legal services institution ten rilru lama harsatna neite aiawhtu tur panel lawyer tha tak, the Mental Health Act, 1987 Section 24-na emaw Section 25-na emaw anga inlan tur tih huna aiawh atan leh Magistrate-in rilru lama harsatna neite tana tha ber tur thutlukna a siam laia pui thei tur a ruat ang.
● Legal services institution ten Police station-a PLV dahte kaltlangin rilru lama buai thlahthlam emaw chenna tur nei lo emaw hlamchhiah emawte chu The National Trust for the Welfare of Persons with Authism, Cerebral Palsy Mental Retardation and Multiple Disabilities Act, 1999 Section 13 hnuaia din, Local Level Service Committee hnenah thlen an nih theih nan Police te an pui ang. Hei hi anmahni enkawlna, tanpuina leh anmahni aiawh tur ruat chungchanga order chhuah theih nan a ni.
● Legal services institution ten mental health official - doctor, police official te leh judicial magistrate huamin sensitization programme an buatsaihin rilru lama harsatna nei, tei kual vel mai mai te zawn chhuaha an dikna chanvo anga dan anga hmalak zel theih tura ruahmanna siam tur a ni.
LEGAL SERVICES TO MENTALLY ILL AND MENTALLY DISABLED PERSONS DURING COURT PROCEEDINGS
Rilru lama natna leh buaina neite dikna chanvo chungchanga dante chu The Mental Health Act 1987 leh the Nation Trust for the Welfare of Persons with Autism, Cerebral Palsy Mental Retardation and Multiple Disabilities Act, 1999 te an ni a. Magistrate emaw Local Level Committee emaw ten thutlukna an siam hmain ngun taka ngaihtuahna hun neih hmasak a ngai a. PLV leh Panel lawyer-te kaltlang a legal services institution te tel ve hi a pawimawh hle a ni.
● Heng mite lo lak luh dilna theh luh lai leh, The Mental Health Act 1987, Section 19, 20, 21, 22, 24, 25, 26, 27 emaw 28 emaw anga ngaihtuah a nih laia a hmun (Court) a lo awm ve tura retainer emaw panel lawyer emaw dah hi legal services institution-te tih tur a ni.
● Lak luh emaw chhuahtir emaw tura dilna siamsak mekte hamthatna venhimsak nan, Legal services institution te chuan a khawihtu Magistrate hnena hriattirna pe turin an ngen tur a ni.
● Retainer/panel lawyer ten thil awmdan chanchin kimchang an la khawm ang a; rilru lama harsatna nei chhungte, psychiatric hospital emaw psychiatric nursing home emaw a doctor emaw chinchang hre deuh tur emaw nen thawk hovin, chutianga lak luh emaw lak chhuah emaw dilsakte chu Court a order ngei a ni tih tihchian tur a ni.
● Legal services institution ten anmahni thuneihnain, court-in rilru lama harsatna neite lakluhna order a siamho list kawlin, lakluhna order anga psychiatric hospital emaw psychiatric nursing home emaw a la awmte hmasawn dan an enfiah ang.
● Reception order anga psychiatric hospital emaw psychiatric nursing home emaw a la awmte enkawl dam tawh chanchin legal services institution ten Magistrate an hriattir ang.
● Legal services institution ten PLV/panel/retainer lawyer-te kaltlangin enkawl dam tawhte chu Section 18 emaw Section 19 angin chhuah turin tanpuina an pe ang.
● Clinic emaw Board of Vistors emaw te kaltlangin legal services institution ten Act Section 19 (1) anga dah luhte chu a thlithlai ang a, ni sawmkua aia rei awmtir chu court thutlukna chauha tih tur a ni.
● Enkawl dam tawhte chu psychiatric hospital, home emaw inenkawlna dang emaw reng rengah awmtir an nih tawh loh nan legal services institution ten an chanchin an chhui ang a. Enkawl dam an nih veleh chhuah theihna turin dilna an thehlut nghal ang.
● Magistrate ten he dan hnuaia Section 28 angin ni sawm (10) chhung an enthlak theihna tur leh Act Section 24 (2) anga mental illness certificate pekchhuahna atan a tul aia rei chelhtir an nih loh nan Act Section 23 leh Section 25 angin legal services institution ten rilru lama harsatna nei vak kual mai mai emaw hlamchhiah emaw te chanchin an chhui tel bawk ang.
● Legal services institution ten legal services clinic leh PLV te leh panel/retainer lawyer-te kaltlangin damlo chhuahtir chungchang an bawhzui ang a; a tul dan azirin lakluhna order siamtute hnenah emaw, court hnenah emaw, medical officer hnenah emaw chhuahna tur dilna siamsak turin an pui ang.
● He dan Section 45 leh Section 46 angin legal services clinic leh PLV leh panel/retainer lawyer ten damlo enkawl laite chawlh dil kawngah an pui ang. He dan Section 49 angin appeal-na tur ziah kawngah an pui bawk ang.
● Rilru lama harsatna neite venhimna atan he dan Section 50 angin legal services institution-te chu thu zawh fiah laiin an tel ve ang. Legal services institution ten District Judge hnenah Section 50-na angin dilna an dawn apiang anmahni hriattir ve turin an ngen ang.
● Rilru lama harsatna neia puh chu, sum nei tak pawh ni se, mi tumah, Mental Health Act Secton 50 Clause (a) atanga (d) in a sawite zinga mi, Mental Health Act hnuaia Chapter VI anga a chungchang chhui chiang tura dilna rawn theh lut an awm loh chuan, Legal Services institution ten rilru lama harsatna neia puh pa rilru dinhmun leh himna tur leh a bungraw neih enkawl dan chungchangah chhui chianna an nei ang. Hemi atan hian legal services institution ten Mental Health Act hnuaia Chapter VI na in a sawi takte zinga mi tu emaw ber hi ziakin a be thei ang a, section 50 Sub-section (1) clause (d) angin State chhunga Advocate General emaw District Collector emaw te nen hemi chungchang hi an ngaihtuah thei ang. A remchan dan ang leh Collector-te ngenna angin legal services institutionte chuan chutiang lama inhnamhnawih, rilru lama harsatna neite puihna atan hak a zauh thei ang a, District Collector chu anmahni pui turin a ngen thei bawk ang.
● Section 53 na anga a chhungte ruat an nih emaw Section 54 na anga rosum enkawltu tur ruat an ni emaw, Section 71 leh Section 79 na anga enkawlna tur thutlukna siam anih chuan legal services institution ten case tinte an bawhzui ang a; rilru lama harsatna neite humna atan theih tawp an chhuah ang.
● He dan Section 76 nain a phut angin legal services institution ten thubuai appeal duh apiang a tanpui zel ang.
● Legal services institution te chuan Legal Services Clinics leh PLV te kal tlangin Board of Visitors-a member a nihna angin heng enkawl laite dikna chanvo palzutna a awm em tih a enfiah ang a, a awm anih chuan High Court-ah a thlen ang.
● The National Trust for the Welfare of Persons with Autism, Cerebral Palsy, Mental Retardation and Multiple Disabilities Act 1999 hian rilru lama buaina neite enkawlna pekna chungchangah a phal zau hle a, rilru lama buaina nei nu leh pa te enkawl te, an nu leh pate boral hnu pawha anmahni enkawltu tur guardian ruatsakte, an sum chungchang ching feltu tur ruatsak te a phal vek mai a, Legal Services institution ten he dan hi a awm a ni tih hrilh hriain hamthatna awm theite pawh hmu thei turin an pui ang. Rilru lama rualbanlo enkawltu tur ruat kawngah PLV-te leh legal services clinic ten an pui ang.
● Rilru lama harsatna neite leh rilru lama rualbanlote rosum enkawl leh rokhawm chungchanga an dikna chanvo an hmuh theih nan Legal Services institution ten an pui ang. Rilru lama harsatna nei leh rilru lama rualbanlote hian mi dangte ang bawkin lak sawn theih chi leh lak sawn theih loh chi ro an khawm thei a, an sum chungah thu an nei a, anmahni chauhvin emaw, hlawkna beisei lova tanpui duhtu emaw te nena hisapin bank loan, morgage leh sum hmuhna dang zawng turin dikna chavo an nei ve a ni. Hemi chungchang hre chiang thei tur hian legal services institution ten an pui ang.
● The Persons with Disabilities (Equal Opportunities, Protection of Rights and Full Participation) Act, 1995 hnuaia hamthatna awmte hmuh theih nan rilru lama rualbanlote chu legal services institution ten an pui ang.
● Legal services institution ten rilru lama rualban lo leh an chhungkaw tana hamthatna awm thei scheme hrang hrangte a zawn chhuah sakin chu hamthatna chu an hmuh ngei theihna turin theihtawp an chhuah ang.
AWARENESS AND SENSITISATION PROGRAMME
● Legal services institution ten awareness programme an buatsaih ang a, a bik takin thingtlang mite zingah rilru lam harsatna hi tihdam theih a ni tih leh chutiang mite enhranna a awm lo tih an zirtir ang.
● Legal services institution ten rilru lama harsatna neite hi mi dang ang bawk a en tur an nihzia an hrilh ang. Psychiatrist, ukil leh social workerte tel vena special legal awareness camp ah rilru lama harsatna nei leh rilru lama rualbanlote laka ngaihdan dik lo paihsak turin lo kal khawmte nasa takin an pui ang.
● Hetiang camp-ah hian legal services lawyerten mipui leh an chhungte hnenah rilru lama harsatna nei leh rilru lama rualbanlote kaihhnawih rosum leh dikna chanvo chungchangah zirtirna an pe ang.
● State Legal Services Authority/District Legal Services Authority ten Judicial Academy nena tangkawpin rilru lama harsatna neite leh rilru lama rualbanlote, an chhungte leh chhungkaw memberte harsatna tawh chungchang judicial officer-te nen zirhona nei turin training an buatsaih ang.
● BAR association-te nen tangkawpin panel lawyer-te leh dan lama ei zawnna nei te ziritrna atan hetiang programme hi a buatsaih thin ang.
Rilru lama harsatna nei leh rilru lama rualbanlo te chungchang buaipui tur hian legal services institution ten NGO-te leh volunteer social organization dangte an thawhpui ang.
