NALSA (Effective Implementation of Poverty Alleviation Schemes), 2015

1)        Background

            The Legal Services Authorities Act, 1987 Section 4 (I) hnuaiah hian National Legal Services Authority hi Central Authority tih a ni a,  mipui  hnena legal literacy leh legal awareness theh darh, a bik takin, hnu fualte tana social welfare legislations-a dikna chanvo, hamthatna leh vohbikna leh dan siam, enkawlna dan siam tura tih a ni a. The Legal Services Authority Act, 1987 in a dah pawimawh  em em chu - Legal Services Authority te hi mi hnuaihnung te lakah mawh an phurh bakah mi tupawhin sum leh pai dinhmun vang emaw leh thildang, rualban lohna vang emawin an dikna rahbehsak an ni em tih finfiah te hi an mawhphurna a ni. 

            Chhan hrang hrang heng - khawtlang inrelbawlna that loh vangte, sum lam tlakchham vang leh inthliarhranna leh thildang vangtein mi rethei zawkte`n chhawmdawlna hi an hmuh thei lo thin a. Rethei zawkte`n hamthatna an hmuh theihna turin legal services authority ten tihtur tam tak an nei. Legal services authority-te hi an hnathawhte thlirin retheihna tihnepna kawngah hian an inhmeh hle. Chuvangin, he scheme hi retheihna tihnep kawngah leh hamthatna hmu thei tur atana tangkai tak a ni. He scheme duan a nih dawn hian, dinhmun azirin mamawh dan inang lo a awm thei dawn a ni tih hriain; national scheme hi mamawh dan azira hman tura duan a ni. Retheihna hi chi hrang hrang awmin sum lak luh lam ringawt ni lo, hriselna lam (rilru lam huamin), in leh lo, eitur tha, eizawnna, pension, nu enkawlna, nausen thi, tui hmuhna, zirna in, inthiarna, subsidy, inenhranna leh thil dangte a huam a. State leh district chhunga scheme hman a nih dawnin, legal services authority-te chu retheihna chhiar sen loh   lo hmachhawn tawhtute hriatpui tura beisei an ni.

 

2)         Name of the Scheme

Scheme hmingah chuan “NALSA (Effective Implementation of Poverty Alleviation Schemes) Scheme, 2015” tih a ni ang.

 

3)         Definitions

1)      “Act” awmzia chu Legal Services Authority Act, 1987.

2)      “Central Authority” tih awmzia chu Act hnuaia Section 3-a din National Legal Services Authority tihna a ni.

3)      “Complainant Beneficiary” tih chuan Poverty Alleviation Scheme hnuaia hamthatna hmutu tupawh, thunei tura ruat officer laka complaint theh luttu tih a kawk.

4)      “District Authority” tih awmzia chu he Dan section 9-a hnuaia din District Legal Services Authority tihna a ni.

5)      “Legal Services Officer” tih chu, mi tupawh he scheme atana ruatte sawina a ni.

6)      “Para-legal volunteers” tih chu NALSA Scheme for Para Legal Volunteers (Revised) and Module for the Orientation – Induction – Refresher Courses for PLV Training hnuaia ‘PLV’ atana training pekte tihna a ni.

7)      “Poverty Alleviation Schemes” tih chu central/state sawrkarin Scheme/ programme engpawh retheihna lam hawi atana siam tihna a ni a, vantlang nun venhimna tur pawh a huam. 

8)      “Scheme Beneficiaries” huamte chu :

a.   Scheduled Caste emaw Scheduled Tribe;

b.   Poverty Alleviation Scheme hnuaia scheme awm dil thei zawng zawng leh

c.   economic, social emaw political lam hmalakna zawn sakin a huam amaherawhchu naupang, hmeichhia leh transgender-te huamlo in.

9)      “State Authority” tih awmzia chu he dan Section 6- na hnuaia din State Legal Services Authority tihna ani.

10)    “Taluka Legal Services Committee” tih awmzia chu he dan section 11-A  na hnuaia  din Taluka Legal Services Committee tihna ani.

11)    Legal Services Clinics, Front Office, Panel Lawyers leh Retainer Lawyers tihte chu National Legal Services Authority (Free and Competent Legal Services) Regulations, 2010 leh National Legal Services Authority (Legal Services Clinics) Regulations, 2011 hnuaia mite nen a inang. 

 

4)         Scheme thil tumte :

Scheme thil tum tlangpuite chu a hnuaia mite hi an ni :

  1. Mi hnuaihnung zawkten an dikna chanvo leh hamthatna an hmuh theih tur enfiah.
  2. Mi rethei zawkten Poverty Alleviation Scheme an hmuh theih nan national, state, district leh taluka level-ah legal aid leh support services tih changtlun.
  3. District Authority member, Taluka Legal Services Committee member, panel lawyer, social worker, para-legal volunteer leh legal aid clinic-a zirlai naupangte kaltlangin Poverty Alleviation Scheme chungchang awareness hmanga theh darh.
  4. Poverty Alleviation scheme chungchanga Central emaw State scheme, policy, regulation, policy directive, convention, rules leh report awmte leh hemi scheme tana fund hmuh hnuhnun ber chungchang telin database siam.
  5. Panel lawyer, para-legal volunteer, Poverty Alleviation Scheme tana officer leh legal aid clinic a zirlai naupang thu thinten he scheme atana hma an lak lehzual theihna atan training leh orientation program buatsaih leh
  6. Sawrkara thuneitu zawng zawng, NGO leh organization dang, mi rethei zawkte tana thawk thinten thawh hona tha neih.

 

5)         Identification of Poverty Alleviation Schemes

1)      State Authority tinte`n Poverty Alleviation Scheme awm sa State chhunga hman theih tur an zawng chhuak ang a, State chhunga District Legal Services Authority zawng zawngah thla sawm pahnih dan zelah list chu an thawn kual ang. Chung list huam chin tur chu a hnuaia mi ang hi a ni ang:

a.      Poverty Alleviation Scheme State chhunga hman theih leh kha mi kuma hman theihna district hming.

b.      Poverty Alleviation Scheme tintea hamthatna hmu tura ruahmante.

c.      Poverty Alleviation Scheme tinte miin an biak theih nana an biak pawh tur thuneitu emaw ,officer emaw ruatte hming.

d.      Poverty Alleviation Scheme tinte dilna atana lehkha pawimawh thil tel ngaite.

e.      Poverty Alleviation Scheme tin hnuaia hamthatna awmte;

f.       Central sawrkar emaw State sawrkar emaw an pahnih emaw atanga Poverty Alleviation Scheme tinte tana fund dah, a kum te tein.

2)      State Authority tinten sub-clause (1) hnuaia list an siamte chu District zawng zawngah kum tin thawn kual tur a ni. Central Authority hnenah a copy thawn tel tur a ni.

3)      State Authority ten sub-clause (1) a mi angin list chu an website-ah upload tur a ni.

4)      Sub-clause (1) hnuaia list siamte  hmuh a nih hnuah ni 7 chhungin District tinten a hnuaia mite hnenah list hi thawn thin tur a ni :

a.      District chhunga Taluka Legal Services Committee zawng zawng;

b.      District chhunga Village Panchayat zawng zawng;

c.      Legal services clinic-a thawkte, Panchayat-a memberte, law zirlaite, leh para-legal volunteers he scheme kalna atana pui thintu te.

 

6)         Organisation of Awareness programme

1)      State Authority ten District Authority-te nena tang kawpin District chhung atana Poverty Alleviation Scheme hrang hrang chungchang awareness programme buatsaih turin hma an la ang. Taluka Legal Services Committee-te pawhin awareness buatsaih tura hma lain Panchayat meetingah te, town hall meetingah te, Pulse Polio camp-ah te, kutnaa puipunna hmunah emaw khawtlang puipunnaah te Poverty Alleviation Scheme hmuhna atan legal services-te awm thute an sawi ang.

2)      State Authority zawng zawngten an huam chhunga programme an neihte list chu Central Authority hnenah thla ruk dan zelah an thawn thin ang.

 

7)         Legal Services Officers and Para-legal Volunteers

1)      District Authority tinte leh Taluka Legal Services Authority ten he Scheme atan hian panel lawyer pathum tal Legal Services Officers atan an ruat ang. 

2)      District Authority ten he scheme thawk tur hian Legal Services Officer-te hnuaiah PLV team an din ang a, sawrkar hnuaia scheme hrang hrangte hmu thei turin Legal Services Officer ten an team zinga PLV te chu tanpuina pe turin an hrilh ang.

3)      District Authority ten panel lawyer te, legal services clinic-a thawkte, panchayat-a memberte, law zirlaite leh para-legal volunteers-te hnenah a bik taka training programme buatsaihin scheme tana hmalakna kawnga pui turte, mi rethei zawkten Poverty Alleviation Scheme kaltlanga hamthatna an hmuh theih chungchang an hrilh hria ang.

 

 

 

8)         Legal assistance for access to Poverty Alleviation Schemes

Poverty Alleviation Scheme hnuaia hamthatna dawngtu zawng zawngte chu dan lam puihna pek vek tur an ni. He scheme hnuaia puihna Legal Services Officer-te emaw volunteers ten emaw an pek theih chu a hnuaia mi ang hi a ni.

  1. Scheme zarzotuten Poverty Alleviation Scheme tinte chhunga hamthatna an hmuh theihte chu hrilh ni se.
  2. Poverty Alleviation Scheme hnuaia eng hamthatna pawh hmu thei turin lehkha pawimawh zawn kawngah Scheme zarzotute puih.
  3. Poverty Alleviation Scheme hnuaia inziak lut turin Scheme zarzotute chu thuneitu emaw officer emaw hming leh address kimchang hriattir tur ani.
  4. Poverty Alleviation Scheme hnuaia thuneitu emaw officer emaw va pan turin legal services clinic-a para-legal volunteer –te chu Scheme Beneficiary-te kalpui tura ruahman tur a ni.
  5. Poverty Alleviation Scheme hnuaia Scheme zarzotute hamthatna hmuh theih, thuneitu atana ruat emaw officer tu ber emaw in an pe duh lo a nih chuan Scheme zarzotuten Legal Services Officer hnenah emaw para-legal volunteers-te hnenah emaw lungawi lohna an ziah luh duh leh duh loh chungchanga an ngaihdan zawh tur a ni.
  6. Sub-clause (5) hnuaia lungawih lohna dawn zawng zawngte record siam vek tur a ni.
  7. Scheme Beneficiary-te hnenah Legal Services Officer-te biak pawh theihna (phone number) pein biak pawh theih an nih thu hrilh bawk tur a ni.

 

 

  1. Action by Legal Services Officers on complaints

 

  1. Clause 8 sub-clause (5) hnuaia lungawi lohna dawn a nihin, Legal Services Officer ten lungawi lohna thlentu chu thuneitu officer hnenah kalpuiin Poverty Alleviation Scheme hnuaia hamthatna an hmuh theihte hmu ngei thei turin an pui ang.
  2. Thuneitu officer-in zarzotute lungawilohna thlen chu Poverty Alleviation Scheme-ah a la ziak lut lo a nih chuan, Legal Services Officer ten District Authority hnen an thlen ang. Lungawilohna lehkha thehluhah chuan Poverty Alleviation Scheme hnuaia an thu thlen lo ziak lut duh lotu thuneitu officer awm dan, thil chinchang nih dan leh lehkha pawimawh theh luh kim loh vanga hnial a ni em tihte ziah lan tur a ni.

 

 

 

 

  1.  Actions by District Authority and State Authority on complaints
  2. Thuneitu tura ruat officer tu pawh laka lungawilohna dawn a nihin, District Authority ten officete chu va biain, Poverty Alleviation Scheme hnuaia hamthatna awmte an dawntir loh chhan an zawt ang. Chhan leh vang tha tawk a awm loh chuan District Authority ten hotu lian zawkte hnenah an hrilh ang. 
  3. Officer lian zawkten hamthatna an dawntir loh an lo remti ve lehzel a nih a, a chhanah District Authority a lungawi lo a nih chuan State Authority-ah a thlen ang. 
  4. District Authority atanga hemi chungchang dawn a nih hnuah, State Authority chuan a chungah department atanga hamthatna an hmuh ngei theihna turin hma lain, legal proceeding pawh an tithei ang.
  5. District Authority ten para-legal volunteers emaw legal services clinics-te kaltlangin hamthatna hmu theite lungawilohna thlen dinhmun an hriattir thin ang.

 

 

  1. Evaluation of the Scheme
  2. Legal Services Officer tinten, dan lama puihna diltu Scheme zarzotute nen bawhzuiin hetiang hian an record ang :
    1. Poverty Alleviation Scheme hnuaia inziak lutte`n hamthatna an hmu em.
    2. Poverty Alleviation Scheme hrang hranga inziak lut tur leh hamthatna dawng turin Scheme zarzotuten harsatna an tawk em.

 

  1. District chhunga Legal Services Officers ten sub-clause (1) anga an thil hmuh zawng zawngte chu District Authority-in la khawmin State Authority hnenah thla ruk danah zel an thawn ang.
  2. State Authority-in sub-clause (2) angin District Authority zawng zawng atanga lehkha dawnte chu a hlawma dahin, he scheme kal dan leh tangkai dan thlirletna nei turin thla ruk danah zel meeting neih tur a ni. Meeting minute chu record-in mipui hmuh theih tura pho lan tur a ni.
  3. Sub-clause (3) anga meeting neihnaah State Authority ten Poverty Alleviation Scheme chungchangah Scheme zarzotute tan hamthatna dawn chungchanga harsatna awm nia an hriat chuan, Central Sawrkar emaw State Sawrkar emaw hnenah Poverty Alleviation Scheme hmasawn leh tangkai theih nan a hriattir ang.