Story One

(Thil thleng ngei, amaherawhchu, an hming hi phuahchawp/hming lem hman sak an ni)

L.A. (Pre) Case No. XX/2016

 

Kum 2013 June thla bawr vel khan Pu Lalremthanga pawisa Rs. 20,000 chu Pi Lalhmangaihi  chuan thla tin 5% a pung turin a puksak a. Kum khat a vei hnuah 10%-a pung turin inremna chu an siam tha leh a. Nimahsela, Pi Lalhmangaihi hian a intiamna anga ti lovin, a pung nena thla tin pek chu sawi loh; a neih remchan hun hunah pawisa a puk chu a rul thin a. Tin, a rulh chhun pawh hi a hlawm ni lovin, pawisa beitham lekin a rul thin a. A rulh chhunte belhkhawm hi a vaiin  Rs. 10,000 bawr vel a ni a. Pawisa fai a puk leh a pung ngaihhnathiamna nena chhutin Rs. 48,000 vel a la ba a. Hetia pawisa Pi Lalhmangaihi hian a rulh that duh loh chhan ni bera lang ta chu Pu Lalremthanga hi zangruh thalo anih vang niin a lang. Pu Lalremthanga hi che thei lovin khumbeta mu a ni a, zun leh ek pawh mahnia inbuaipui thei lo, chaw pawh barh ngai a ni a. A fapa nena awm dunin a fapa hian a buaipui a. Pa neinung tak an ni lo va. Tin, a pawisa puktir pawh hi a pawisa khawlkhawm ve chhunte a ni a. Nitin inenkawlna mante a san avangin an dinhmun hi a harsat phah em em a ni.

 

Hetiang dinhmuna ding a nih avang hian a pawisa puksaktu hian rul tha lo mahse Pu Lalremthanga hian hma a la thei lo tih a lang reng mai a. Chanchinbu lama Mizoram State Legal Services Authority(MSLSA)-in Advertisement “Mobile Lok Adalat” chungchang an chhuah chu Pu Lalremthanga hian lo chhiarin arang lamin  MSLSA chu a be ta a. MSLSA lam pawh chuan Pu Lalremthanga chu an inah pan chilh nghalin lehkha pawimawhte ziah sakin hmalak dan turte an sawipui nghal a. Tichuan, Mobile Lok Adalat (Mipui Court-a thubuai thehluttute hmun leh hmaa neih chilh) nei turin ruahmanna an siam ta a.

 

Mobile Lok Adalat chu Pu Lalremthanga te inah chuan neih a ni ta a. An thute chu Conciliators (Remna siamtu)-te chuan ngun taka ngaihtuah sakin leh; a dinhmunte a hmun hma ngeiah an hmuh sak a. Ngun taka an sawiho hnuin  inremna an siam thei ta a. Pi Lalhmangaihi hian thla thum(3) chhungin Pu Lalremthanga hnenah Rs. 15,000 a pe ang tiin. An dinhmunte inhrethiam tawnin inremna thuthlung hi lungdam takin an pawm dun a ni.

© Mizoram State Legal Services Authority, 2012

This website belongs to the Mizoram State Legal Services Authority , Government of Mizoram, India. | Template by ICT

Click to start chatting.