SUCCESS STORY
(An hming
tak leh veng hming hi an zahawmna humhim sak
duhna
avangin thup sak an ni)
Pi Zonuntluangi chuan a harsat manganna Lok Adalat-ah hetiang
hian a rawn thlen a ni.
A pasal hian kum tam tak kal tawhah khan a boral san tawh a,
fapa pahnih an nei a. A fapa upa zawk chu rualbanlo engmah ti theilo a nih
avangin a lak ah beisei tur a awm lo. A fapa naupang zawk erawhchu Sipai-ah
tangin sum pawh engemaw zat a thawk chhuak a ni. Mahse nupui a nei a, a nu leh
a unaupa rualbanlo chu ngaihsak miah lovin, a nu remtihna pawh la lovin veng
dangah a in dansan daih mai a ni. A nu tar chak tawh lo leh a unaupa rualbanlo
chu harsa takin an awm a, an mangang em em thin a ni.
Pi Zonuntluangi chuan Television(T.V.) a Mizoram State Legal
Services Authority ten hun an hmang lai chu a lo thlir fuh hlau mai a, chutah
chuan an mahni ang mi mangang tanpui ngaite an tanpui thei tih a lo hria a, a
theih ang a rangin Mizoram State Legal Services Office chu a rawn zawng chhuak
a, Lok Adalat-ah he a harsatna hi a rawn thlen ta a ni.
A thu rawn thlen chu thawktuten lo dawngsawngin a rang thei
ang berin an lo buaipui ta a, mahse he a fapa hi Sipai tanglai anih
avangin Lok Adalat-ah pawh chuan koh kal mai a harsat avangin Lok Adalt staff
te nen ruahmanna an siam ta a, a fapa chawlh hmang a alo haw ve leh a koh turin
an dah ta a ni.
An lo ruahman lawk tawh ang ngei chuan a fapa chawlh lo hmang
lo haw lai tak chuan Lok Adalat-ah chuan koh a ni ta a. Pi Zonuntluangi
leh a fa te chuan an thute chu Conciliators, Lok Adalat te nen sawi hovin inremna an nei a, hetiangin, an fapa naupang zawk hian a nu leh a unaupa rualbanlo chawm nan thlatin a hlawh atangin
pawisa a pe tur a ni a. Tichuan, rilru hlim leh thlamuang takin an haw mai bakah an chhungkaw boruak pawh siamthat leh a ni.
